درب السنين

يقوله اللي على مركاه متواسي
.........يجمع (طيوف المحيطات )ويموّجــها
مدى عيونه ابد ماهوب ينقاسي
................ كِنّ الكواكب مع السبحه يدرّجها
يقرا (سطور الزمان) الهيّن القاسي
.................ويدعي لمن كان بالكفين ينسجها
يالله ياللي بذكرك نلجم( الخاسي)
................اللي ليا ضاقت الضيقات يفرجها
مانيب عن قدرتك داله ومتناسي
................وانت الذي قدرة المخلوق تخرجها
انا وريث الخطا والعرق دساسي
.............. وانا الندم يحتوي روحي ويحرجها
يفيض صدري ألم /ويفيض قرطاسي
..............وهموم صدري ترازم ! من يفوّجها؟
الفكر مامور / والهوجاس هوجاسي
...............والشمس ماتنجحد /ساعة توهجها
اهدتني (ام الشعر) قبله على راسي
.....................ياليتها قبلت روس ً تتوجــها
شربت حب (الديار الجرد) في كاسي
..................واسقيتها من حنيني مايبهرجها
ماطال (درب السنين) الا من احساسي
................ولاكرهت الدروب الا من اعوجها
ماكل نوماس دون الحق نوماسي
..................ولاكل كلمه على الباطل نروجها
البحر ممدود وجهه/ والجبل راسي
...................مداخل الكون/ ماتشبه مخارجها
والعمر مدراج ياخوفي ويا ياسي
...................لاحضرّت رحلتي/ باخر مدارجها
اليا ذكرت المصير/ وضاقت انفاسي
....................تتعذر (جروح قلبي) من معالجها
اخاف من لحظة ً / ماتقبل افلاسي
.....................والنفس تفنى / ولاتفنى حوايجها
وياموت لاجيتني /لاتحبس انفاسي
............... وانا مع الريح كنت البارح اسرجها
وان صرت( تحت الثرى) مدفون ياراسي
.......................ماتنفعك / زينة الدنيا /وبهرجها
لك من حياتك خطايا (بين الاقواسي)
.................ومن (رحمة الله )تظهر لك مباهجها
لكن ياللي على مركاك متواسي
.....................هموم قلبك . على ربك . يفرّجها

 

 

يقوله اللي على مركاه متواسي
.........يجمع (طيوف المحيطات )ويموّجــها

لكن ياللي على مركاك متواسي
.....................هموم قلبك . على ربك . يفرّجها


رائعه من رائع
والاقتباس لاول واخر بيت
لشىء فى الخاطر
القصيده قطعه متكامله ورائعه
لك التحيه والاحترام

 

 

اخي الكريم
الشاعر سليمان الشدوي

رائع خاطبت المشاعر
ولا اقول الا ما قاله الشاعر :
كلنا بدروب التعب تايهين == ناس تبوح وناس تكتم وجعها

لك كل الود

 

 

ويتوه بنا درب العمر


تطوي بنا السينين ونحن نعيش الجمر


وليس لنا حيله غير الأمر