{ هي قهوتي .. ~}

احلىىى قهوه من احلى بدور تسلمين يالغلا وتسلم يدينك لاخلا ولا عدم

وهذا مكاننا نتقهوى به..ونعين من الله خير..

واللي يبي القهوه حيااااه الله المكان يسع للجميع..

 

 

.

*****

حياكم الله في متصفح المبدعة عذبة الساحات

نتابع بعض ما قاله الشعراء في القهوة العربية


يقول الامير راكان بن فلاح ال حثلين

يامحلا الفنجال مع سيحة البال = في مجلساً مافيه نفساً ثقيلـه
هذا ولدعمً وهذا ولـد خـال = وهذا رفيقـاً مالقينـا مثيلـه

ويقول الشاعر محمد بن عبدالعزيز القحطاني وهو يوصي ابنه

يابو محمد شب واقضب مكاني = في غيبتي قهو الرجال المشاكيل
وفل الحجاج لكل من جاك عاني = وابدا التحيه قبل سوق الفناجيل

ويقول شاعر من قبيلة مطير واسمه شليويح وهو يوصي ابنه نمر

امل الوجار وخلو الباب مفتوح = خوف المسير يستحي ماينادي
يانمر مافي صكة الباب مصلوح = ولاهي لهلكم يامظنـة فـؤادي

ويقول خلف بن هذال شاعر عتيبه

سوولي الكيف وارهو لي من الدله = البن الأشقر يداوي الراس فنجالـه
كيف لنا نحرقـه بالنـار وانزلـه = واليا انقطع لو ورى صنعاء عنيناله

ويقول الشاعر ابن خشم الذيب العجمي

اشرب الفنجال واكب البيالـه = طيباً واحـب سلـم الطيبينـي
الولد ان طاب طيبه من خواله = وان تردا فاعرف انهم خايبيني

ويقول الشاعر دغيم الظلماوي من قبيلة شمر

ياكليب شب النار ياكليب شبه = عليك شبه والحطب لك ايجابي
وعلي انا ياكليب هيله وحبـه = وعليك تقليط الدلال النجابـي

ويقول الامير راكان بن فلاح ال حثلين اثناء اسره في تركيا (يصف حالته)

يابوهلا صرنا سوات الدراويش = والكل منا خبزته فـي يمينـه
لا عاد به دله ولا عاد به عيش = ولا عاد به فطحة خروفاً سمينه

ويقول الشاعر الامير محمد بن احمد السديري

يابجاد شب النار وادن الدلالـي = واحمس لنا يابجاد ما يقعد الراس

*****

 

 

هذه قهوتي اقدمها لعذبة الساحة ومرتادي الساحة الادبية



وهذا ما قيل في القهوة
يازين شبة نارها العصر ياخليف == لا مالت الفيه وزان البراد
كسرت فنجال على غاية الكيف == لا عج ريحه مثل ريح الزياد

وبعدها فطور خفيف على المعدة



بالهنا والعـــــافية