اسماء فى قصائد

.

*****

يا كليب

من اشهر القصائد قصيدة ياكليب شب النار ياكليب شبه
ياكليب شب النار ياكليب شبه ::: عليك شبة والحطب لك يجابي
وعلي أنا ياكليب هيله وحبه ::: وعليك تقليط الدلال العذابي

القصة والقصيدة منقوله دون تعديل

يقولون انه على وقت الامير محمد العبدالله الرشيد ذاع صيت / دغيم الضلماوي

الشلاقي الشمري ذاع صيته بالكرم وخاصة القهوة ......

دعونا نرى ما هي قصة ( دغيم الضلماوي مع القهوة )

كان ابن رشيد جالس في مجلسه ويتباهى بالكرم فقال له احد الجالسين يا طويل العمر لاتفتخر بالكرم فهناك من
هو اكرم منك فقال ابن رشيد من هو فقال الرجل ( دغيم الضلماوي ) رجل فقير وان اتيته في منتصف الليل
لوجدت ناره لا تنطفئ والقهوه جاهزه في كل وقت فسكت ابن رشيد ليتأكد من الكلام وحتى لا يذهبالرجل ليخبر دغيم .

وبعد مده ذهب ابن رشيد في منتصف ليله شديدة البرودة لمنزل دغيم واراد أن يتأكد من ما سمع عن كرمه
فتسلل ابن رشيد خلف بيت دغيم واذا بالنار مشتعله والدلال على النار ثم بدأت النار تنطفئ فقال دغيم لابنه
كليب قم شب النار فقال كليب اليوم برد واحنا في آخر الليل ولن يأتي أحد فقام الاب واشعل
النار وانشد يقول :

ياكليب شب النار ياكليب شبه ::: عليك شبة والحطب لك يجابي
وعلي أنا ياكليب هيله وحبه ::: وعليك تقليط الدلال العذابي
وادغث لها ياكليب من سمر جبه ::: وشبة الي منه غفى كل هابي
باغي ليا شبيتها ثم قبة ::: تجلب لنا ربعا سراة غيابي
بنسريةً ياكليب صلفا مهبه ::: لاهب نسناسه تقل سم دابي
سراة بليل وناطحين مهبه ::: متكنفين وشوقهم بالعذابي
الوالمة ياكليب عجل بصبه ::: والرزق عند اللي ينشى السحابي
صبة لقرما صرفته ماحسبه ::: يوم البخيل مكنهب الوجة هابي
وصبة لمنعورين ليا جاة نبة ::: يرخص بعمره والدخل لها ضبابي
وعدة عن اللي مايداري المسبه ::: اللي يدور بالقصير الغيابي
عن الطيب عده نازلا له بغبه ::: يضرب علي درب الخطا مايهابي
لا باطن الهلباج خطوا الجلبة ::: يا حلو خبط عصيهم بالركابي
أطمر لهم وأبدي سلام المحبه ::: لا جو على هجناً يديهم خرابي
سلام أخلى من شخاليل جبه ::: وأحلى من السمن الجديد العرابي
مع كبشً مصلاح راسه نجبه ::: لا أدبر الهين متين العلابي
خطو الولد يوم الملاقي نكبه ::: يأتي علينا من حساب الزهابي
وحتى ايش لو يلبس وبينن وجبه ::: معيرة على غضير الشبابي
أنا لقيت الصبر يازين غبه ::: يرقيك رؤوس مشمرخات الهضابي
من لاصبر ياكليب في حكم ربه ::: هذاك يوم البعث ماله ثوابي
يقولها اللي ما حسب المسبه ::: ولا عرقل الاجواد ببعض الهلابي
هذا هوى بالي وهذا مطبه ::: من قبل مايسفح علينا الترابي

سمع الامير محمد العبدالله الرشيد بكرم الضلماوي وكثر ذكر الناس فيبي يشوف عن الضلماوي وصدقه يوم يقول :-
الوالمه يا كليب عجل بصبه = والرزق عند اللي نشى السحابي

يوم جاء تالي ليلة من الليالي قال الامير لبعض اخوياه الخاصين ترونا نبي نسير ولاعلمهم بوجهته ويوم جاء تالي الليل الا يوم نوخو على الضلماوي فقام الضلماوي ورحب بهم يوم دخلو الرقة وشاف الامير محمد الوجار الا والله الا النار حيه والوالمه على النار وصب لهم الضلماوي من الوالمة وقام يحمس الثانية وقبه النار .

قال الامير محمد :-
ما تقولي يالضلماوي وش عندك به يوم انك تقوصد يا كليب يا كليب .
فعرف الضلماوي ان الامير زعلان فقبلة وقام ومد يده للامير وقاله :-

مده رهن لولاك ماقلت ياكليب ::: ولا قلت شب النار وصر موقدا له
في ليلة تجدع سواة المشاهيب ::: نسرية تلصق خليل لخله
نطعن بعزك ياحصان الاطاليب ::: عسى الله جمع حزمتك ما يفله
يالجوهر الناريز يالمسك يالطيب ::: يا عنبرا من جربه مايمله
تكفي محاليب وتملى مجاليب ::: وكبد تيبسها وكبدا تبله
ياطير شلوى مالقي بك عذاريب ::: لو تستحتي ما تجمع الطيب كله
يا بو اليتامى والارامل ومن عيب ::: وأبوا لمن صار العصى ثالث له
وابو المحرول والاعمي والمحاديب ::: ومن ضامته بقعاء تصير ولدا له
أن كان هرجي به عليكم عذاريب ::: سامح عسى اللي عقبك بألف حله

قال الامير محمد العبدالله يالضلماوي قال نعم
قال والله ماتشريه غير ماشريته مدام ان حي كل ما احتجت تجي يمي وتاخذ حاجتك
عقبه كل سنه قام يقيض بأطراف الديرة عند ابن رشيد ويجونه المسايير من كل جهه .

أرجو أن تنال القصة على استحسانكم

*****

 

 

وتقول عساها اعجبتكم القصه
انت اخي الكريم اتعبت الجميع فكل
ما تكتبه اوتضيفه فيه فائده واضافه جميله
لك مني تحيه حب وتقدير

 

 

يا حمود ليتك يا نديمي معي تو - وقت العصر والشمس مكسور فيه
جلست اخايل بالسما بارق النو - ليتك ترافقني بروحة عشيه
نطلع سوى خلف النهايد ورى جو - والا ترى ميعادنا حول حيه
معك الزهاب ومن قراح الجبل رو - وانا على الكيف ونمرة حشيه
شفقن على الفنجال مع شبة الضو - بجبال اجا وسط الفياض العذيه
ترى الونس يا خوك لا برد الجو - والا مع جمع قلوب وفيه
الراي واحد ان طرى يوم شدو - كلن يداري بالموده خويه

 

 

للمره الثانيه بدون امر اخواني اخواتي الكرام

احتاج خدمه من الاعضاء


ساعدونى فى ايجاد القصيده التى مطلعها


دن لى يا سعود قرطاس ودواه -- .....................

ولكم جزيل الشكر

معلومه ربما تكون صحيحه الا وهى ان القصيده
ربما تكون لشاعر بحرينى ولست متأكد

 

 

يابو سعد ياخوي

يابو سعد ياخوي ليل السهر طال
ونوم العرب عيت عيوني تذوقه
يابو سعد سبحان من غير الحال
عقب الوصل اليوم نفسي شفوقه

آه يا قلب ٍ تولع ولا طال
ميّر الجفا بالحيل زود خفوقه
بشكي عليك اليوم يا طيب الفال
قلبي غدا مابين همي وشوقه

يابو سعد لى من طرى لابس الشال
يفز له قلبي من اقصى عروقه
مالي جدا ياكود كثر التولوال
صبري قضى والروح منه امحروقه

 

 

يابوعلي صوبتني = لباسة الثوب الاخضر
ياليت ماطالعتني = بعيون ورموش تسحر

والله وانا غربلتني = غزالة(ن) قدّها اصفر
وسط المطار اودعتني = اصارع الموت الاحمر

انا ظروفي حدتني = حسبي على الحظ الاقشر
ياللعجب كيف جتني !! = الله على البيض وكبر

صبرت انا وافضحتني = ودموعي قامت تحدّر
اشواق قلبي كوتني = اكابد الشوق واسهر

ياليتها طاوعتني = نفسي على الصبر واقدر
او بالغرام اسعدتني = منثورة الشعر الاشقر

من يوم مافارقتني = ودموع عيني تنثـّر
ياويل قلبي كوتني = واقلبي اللي تكدّر

سود العيون أنذرتني = من ناعم الخد الاسمر
وانهيتها وآمرتني = وقلت امراً مقدّر


عيني عليها اسهرتني = موتي من الطرف الاحوّر
هي سافرت واهجرتني = وانا وقفت اتعذّر

 

 

يا محمد قدم الصفر قدمها -- من ديار معزي العود واعياله
خلها تطوي الخرايم قوايمها -- همها الناموس والعز والطاله
عند خو مريم تحزم بلازمها -- خلها تزعل حسود خسر ماله
جاتكم بمطير تكرب حزايمها -- صفر بن غاطي على الصفر حماله
لاقبلت للجنه اللي تحكمها -- من نطحها عود يهوجس لحاله
وسمها العرقاه وسم يقيمها -- دونها المطران رجلي وخياله

 

 

يا بن سالم تـرى قلبـي عليكـم حزيـن
من سبـب صاحبـي زعـل ٍ ولا ارضيتنـاه

صاحبـي ينقـش الحنـا بـكـف ٍ حسـيـن
مثـل نقـش المعلم بالقـلـم والــدواة

صاحبي غصن مـوز والهـوى بـه يميل
ليت من هو بعالي الغصن يقطف جناه

حـملـوني على الـمجمـول حـمل ثـقيل
ولـبسـوني ثـويب الـحب لـبس الـعبـاة

يـالله انا طـالبـك عـدالـها ما تـميـل
يابا الافـراج يا فـتـاح بـاب الـغـناة

 

 

يا مشبّب يا مشبّب طـاب راسـك يـا مشبّـب=حي ابو مجناك حيه يـا فخـر كـل آل عاصـم
فيك يوم اقفيت يـا ذروة هـل الطبـع المحبّـب=افتخر بك وانتخـي بيـن العواصـم والقواصـم
ذا مشبّب من بني عاصم هـل الرمـح المدبّـب=لا غدت من جورها عوج القرى مثـل العواصـم
آتنشّـق ريـح طيفـك لا عرفـتـه وآتلـبّـب=وان ذكرتك في الجموع اشوش من دونك واخاصم
من نقا فعلـك معـي قمـت اتحـرّى واتسبّـب=شوفتك والله ولا شوفـة هـل الملـك اللغاصـم
من بني قحطان لا قـام العـرق منـا يتصبّـب=فزعـةٍ لا عـوّدت بيـن السواعـد والمعاصـم
كل فعل غيـر فعلـك لـو صـدق معنـا متبّـب=فزعتك جت يوم كل فعلٍ وله في النـاس فاصـم
كان انا مسحور بسمك حالف انـي مـا اتطبّـب=ما نسيت فعولك اللي مثل هضبـات العـلا صّـم
يوم غيرك من سلف عرضه على ارضـه تكبّـب=ما وصم عرضك من الحمر الحمير البيض واصم
لـو تهبّـب سيّـدٍ مـن سيّتـه مهمـا تهبّـب=عن مشبّب تقصـر افـواه الرياجيـل وتلاصـم
لو ركض من دونهم مـن دوّر العيـب وتخبّـب=ما لقى في آل عاصم من علـوم الشيـن قاصـم
قالوا العربـان مـن يبغـى المعاييـر يتضبّـب=بس لا يتعب ذلوله مـن ورا القـوم آل عاصـم

 

 

يا قـــــــــــــلبي يا مظــــــــــــلوم

يا قلبي يا مظلوم حارم عيوني النوم
اصحى من الأوهام هوه العمر كم يوم
اللي بيلعب بيك حاول تنساه زي ما نسيك
لا عاد تجيب سيرته اللي حصل 00يكفيك
هوه 0 حلف لك ليه وكان 0 لزومه 0 إيه
يعني الهوى لعبه لـــــــما رماني 00 بيه
واللي بيلعب بيك حاول تنساه زي ما نسيك
لا عاد تجيب سيرته اللي حصـــــــــل يكفيك
أنا اللي صدقته بالـــــــــــــــــــحب أوعدته
فتحت 0 لــــه قلبي من وقت ما عـــــــرفته
وهوة بيلعب بيك حاول تنساه زي ما نسيك
لا عاد تجيب سيرته واللي حصل يكـــــــفيك

كلمات نايف حجازي
الحان المرحوم فوزي محسون
غناء الملحن نفسة والفنانه السعودية ابتسام لطفي والفنانة اللبنانية هيام يونس
عام 1379 هـ