يا مــل عيـــن

يا مــل عيـــن(ن) مـــن الدمــع دافقـــه :: دايــم و هــي مــن كثــر البكا ما تفـارقــه
تبكي على وقت(ن) مضى واسع الفضا :: شمسه لـو هـي فــي دجـى الليل شارقه
وقت(ن) هله عاشوا على الصدق والوفا :: كــل(ن) لــدرب الطيــب عينــه سـابقــه
مــا هــو بنـاس(ن) بالديانــه تذرعـــوا :: وقلــوبهـــم عمـا حــوى الديــن مـارقــه
النـاس هـــذا الوقـــت شــانت قلــوبهــم :: بالألـــف مـا تلقــى صديــق(ن) ترافقــه
تبـــدي له أســـرارك ليــا جاك ضيقــه :: يفـرج عـن الصـدر همــوم(ن) تلاحقــه
بالمــال و الـــراي السـديــد و هـمتــه :: دايـــم زنــاده لـلــمــواجيـــب فــاهـقـــه
ما هو بحتــف(ن) لو تجـي له بحاجـة :: كنـك بمشعــاب(ن) علـى الوجه صافقه
حتــف(ن) علـى نفســه شحيــح بمالـه :: كـامانـة(ن) عنـــده ولا هـــو بــذايـقـــه
ماله نصيب(ن) من المـروة و لا الحيا :: ما كـن فــي وجهـــه مـــن الـدم دافقـــه
أمـا الـلئـيــم إن شـاف منــك تـواضــع :: يــراك لاش وزايـــد الـكبــر خــانقــــه
يعــوم فـــي بحــر الغــرور بنـفســــه :: وهــو غرتـ(ـن) عنـد المطاليـق خافقــه
يمشــي مـرح ما كـن بـالأرض غيـره ::مشيـة عروس(ن) في ضحى العرس مايقه
مما راق لي