كلنا بنحبك .. ياحمار

.


عذرا لكل اخواني في الساحة علي هذا العنوان الفج للموضوع لكن بعد تفكير طويل لم اجدا افضل منه.

وهذا الموضوع اقدمه بناءا علي طلب من خوي بن ناصر في مداخلته علي موضوع الحمار وتاجر الملح حيث كتب:

سمعت ( طقطوقة ) لمغني مصري .. يقول مطلعها : بحبك ياحمار .. وما فيش زيك يا حمار

ما أدري إذا كان خوي (غامد ..أوي) يعرف مكانها ويقدر ينزلها صوتيا هنا .. حتى تكتمل منظومة حب الحمير

ونزولا علي رغبته قمت بالبحث غير انني وجدت قصيدة شعرية صوتية لشاعرة عامية من المصاري بعنوان كلنا بنحبك ياحمار هذه كلماتها

"كلنا بنحبك يا حمار" للشاعرة / ايمان بكري

بيقولوا في مطرب مكار…بيغني بحبك يا حمار

الواد ده وصولي وكداب..ومنافق وكمان نعار

وإشمعنى لوحده اللي يحبك…كلنا بنحبك يا حمار

ده لأنك فعلا متفاهم… ومبرطع فينا ومش فاهم

وبتبعد عن أي تفاهم .. بعزيمة غبية وإصرار

العِشرة مابينا مابتهونشي..وإن هانت…برضو مانقدرشي

محكمة العدل ما تحكمشي..وإن حكمت.. هتولع نار

مثلتوا علينا الثلاثية.. وبطولة وكانت جماعية

وعشان ما تكمل سداسية..عملتوا ألف حصار وحصار

وفي وسط ميدان الحرية..فيه شعلة مسكاها وليّة

ماتكونش دي ليزا المخفية..مدية إشارة إنذار

وعلى العموم أنا حبيتك

وإلهي يا بعيد يخرب بيتك

لو يوم هاتشُك في إخلاصي..وتصدق ده من الأشرار

هو سؤال ومافيهشي هزار….هو أنت يعني حمار يا حمار

علشان تصدق إن الفار.. ممكن يقول لأسد يا حمار

وبعاهدك والعهد أمانه..هاتّنَّك على طول ويانا

حمورية أهلك عجبانا..يا واخدنا من الدار للنار

كل الحميره هنا عملت سين…واتفقت انك بغل عظيم

هيوزعوا شربات برسيم …علي العربخاني وعلي الزوار

أنا مش حمّار هتخاف مني

مانا برضو حمار وأحمر منك

ما تنهق..قول أي حوار

بنقولك شيي..ما بتمشيشي….والحااا..بنقولها ما بتجيشي

ونقولك هيييسس…ما بتهيسش..ومكمل بينا المشوار

وعلشان كده إحنا إخترناك..وعلى حياتنا إستئمناك

ولا يوم هيجي يفرقنا…وهنفضل دايما وياك

فهل عرفتم من هو الحمار الذي تتحدث عنه الشاعرة؟؟؟؟؟؟

.

.