قصيدة كتبتها في ابوي ولا اقول غير الله يسامحه

هذة قصيدة كتبتها في الوالد الله يسامحه عندما تزوج على الوالدة واللي تزوجها عمرها واحد وعشرين سنة يعني اصغر من اخواتي واخواني والفرق بينها وبين اصغر اخواني اقل من عشرة سنوات
وهذة هي القصيدة :

مني لأبو محمد سلامٍ ضمينه
حبٍ بقلبي ماتغير مكانـــــــــه
ونصيحةٍ حيث النصايح ثمينـــه
يسعد بها فيما بقى من زمانه
الحب عنك اقفى وقفت سنينه
الجد مثلك يتجة للديانـــــــــــــه
تمام عقل الرجل عقب اربعينه
وان صار جد اقفى زمانه وخانه
الشيب عيب الشخص لمعذربينه
والبيض مايخلن بلايا لعانــــــــه
ودي يحطٍ وسط قلبي غبينه
واليا قالوا اقفى مابقى الا لسانه
وانته تـــراعيهم بعــينٍٍ حــزيــنــه
ومــن النــدم قلــبك يــزيد خــفقانه
إن طعت شوري خل كبدك متينه
أبنصحك حـسـب الــوفاء والـمـيـانه
أترك ســبــيــل الــحب لمدورينه
وأقـبـر غــرامك وأجتــهد في دفانـه
وجاور مكة والمـــزار للــمـدينه
مثوى الرسول اللي وفى بلأمانـــه

وسلامتكم ألف سلامه