تعالوا معي لنتذوق الشعر بجميع انواعه ..

اختي الحبيبة الرومنسية ..
اخوي الغالي ساري ..
يسعدني تواصلكم واضافاتكم الرائعة..
دمتم بخير لا عدمت تواجدكم ..

 

 

( بسم الله الرحمن الرحيم )
السلام عليكم ورحمة الله وبركاته ..

أشكرك على الموضوع الرائع ،
وأتمنّى لك - ولجميع المتداخلين - التوفيق والسداد ..


( عبث ) ، لفهد عافت ..

عبث تحسب سنيني بالسنين وتكسر المكسور
عبث ترمي بدلوك في القديم، وتجلب أعماقي

انا الذابل ما بين المكرفون ورغبة الجمهور
عشان احيا.. مثل مالازم احيا داخل اوراقي

تضاريسي، هي المستقبل المتواضع المغرور
لذا مديت كفي للوداع وبعلن فراقي

عجزت اقبل اصابيعك قفص واحلامي العصفور
عجزت اخذل دمي لو مرة وانحزت لخلاقي

رفضت اني اكون القطعة اللي تكمل الديكور
تخيلت المكان، وهالني حبسي على فاقي

ستار بارد مسدل، وجرح ماينز بنور
وكرسي تشد اعيونهم باطرافه وثاقي

ملل، يلغيني التصفيق والمسرح بليد اشعور
جنون استقبل الورده من اللي يذبح الساقي

وداعا للقلوب المستريحة والعيون البور
هلا بك يالدروب المتعبة لو كنت بك شاقي

أنا الأرض اليباس اليا بنا غيري بجلدي سور
وأنا المرعى الخصيب ان كانت حروفي هي انياقي

كفاني من حياتي لو مضيت ولا شهدت بزور
وكفاني من مماتي لو مضيت ولي اثر باقي

 

 

شكرا أخوي أنس على الاختيار الراقي المتميز .. وكعادتك يا ابو نواف متألق في أختياراتك ..
لك مني كل الشكر والتقدير .. وهذه الابيات لنفس الشاعر..

تدلل على ما تشتهي دامـك المحبـوب
وكسر شعاع الوقت ... ثم هاك تعويضة
تفضل سنينٍ ودها فـي هـواك تـذوب
تفضل حنين العين فـي كـل تغميضـة
أنا قلبي " المهر" الذي ما بعد مركـوب
ألين التقى وياك ... ثم هان ترويضـه
خذيته بعدها في حديثٍ غريب أسلـوب
وخالطت بين شتاه والنار فـي قيضـه
فيا من خلقك الله كامل بـدون عيـوب
ترى نبشك لجرحي علاجه وتمريضـه
إذا ما نقضت الجرح في قلبي المسلوب
تمنيت كلـي جـرح تسعـد بتنقيضـه
ويا رحلة الغفران هاتي عطيني ذنـوب
لأن الهوى ناره ذعاذيـع مـن فيضـة
تعب فيني الواشي يبي عن هواك أتـوب
يروح ويجي ما فـاد ويـاي تحريضـه
يعذربك لكني أعـذرب لـه العـذروب
وأخليه ميزة فيك ... ويموت في غيضه

دمت بخير..

 

 

هذا تجديد للعهد بيني وبينكم وأحببت ان امسي عليكم بقصيدة من كلمات عبدالرحمن بن مساعد ..

مساء الخير والاحسـاس والطيبة مسـاءٍ مـا يـليق إلا بأحبـابي

مساءٍ غير غصن لطير يحكي بـه عن اللي مـسكنه جفني وأهـدابي

هلا باللي أحـبه كثـر تعذيـبه وكثر ما هـو يغيب وكثر ترحابي

حبيبي هـو ولو ما قصّـر الغيبة ولـو عن بسمتي قد طـوّل غيابي

أعـرفه زيـن وأعيتني أسـاليبه عدوي يوم ويوم أقرب من أصحابي

مـلكني بين تـرغيبه وتـرهيبه يفـارقني وهـو واقف على بـابي

به الصادق به الغـارق بأكاذيبـه يبي بعـدي ودمعـه بـلّل ثـيابي

به القسـوة به الرقـة به الهيبـة به الضعف القوي به نشوة إغضابي

تقبلوا تحياتي ..
دمتم بخير..