يا مدوّر الهيّن ترى الكايد أحلى

يا مدور الهيّن ... كلمات الأمير خالد الفيصل

يا مدوّر الهيّن ترى الكايد أحلى ... اسأل مغنّي كايدات الطروق

الزين غالي لكن الأزين أغلى ... ولكل شرّايٍ بضاعة وسُوقِ

النَوّ عالي والسَما فوقه أعلى ... لا فاق عِلمٍ جاه عِلمٍ يفوقِ

الصعب هلاّ قلت يا صعب سهلا ... دامك تبيني فأنت يا صعب شوقِ

أحب أعْسِف المُهرة اللّي تغلّى ... وأحب أروّض كل طرفٍ يموقِ

وأحب أسافر مع سحاب تعلّى ... وأحب فوق الغيم لمع البروقِِِِ

وأحب أساهر بَدْري اللّي تجلّى ... وارسم شعاع الشمس عند الشروقِ

يا من عَلَى ثاير فُوادي تَولّى ... خلّك على قلب الكرامة شفوقِ

أكرم عَزيزٍ بالعُمْر ما استذلّى ... يسُوق عُمْره للمشاريف سَوقِ

اخترتك من الناس للقلب خِلّى ... ياحَيثك مُرادي وكَيْفي وذوقي

ما رحت أدوّر كُل زولٍ تحلّى ... لولاك تَسْوَى ما عَطيتك خَفوقي