يا خوفكم من الله - الصفحة 3

**التوقيت** · 09-18-2009, 10:05 PM

اقتباس:

المشاركة الأصلية كتبت بواسطة علي ابوعلامه

والله يامحرقين العشاش ما ينفعونك واولهم ساهر الليل الي عيونه كما الفناجيل
يدور الفلة وكباريته تكدح كنها صواريخ باتريوت ..

أنا عيوني كما الفناجيل !!
أفا يالعلم
أقول لا تحدسني على عيوني يابو أديب إللي يشبهها البعض بعيون الغزال
بالله عليكم يالربع شوفوا عيوني وأحكموا

**التوقيت** · 09-19-2009, 01:23 AM

يا الله علم خير
جيت من الحرم قالوا أهلي انت مقيّل في الحرم ولا تدري عن الجماعة
قلت وشبهم؟
قالوا اندر المح وشبهم ما لهم الا صياح
ونشدت واحد من الرفاقة وش العلم؟
قال مدري عن الشياطين
يقلون غدا لابن قسقس ثور واهم ودهم يجمعون الجماعة
لكن مدري عليش اتفقوا وا هم ذيب يتشاورون
إن كان الثور افلح بسبب بينشدون عن السبب وان كان من غير سبب
فالمشكى على الله وودهم يطيبون خاطر أبو توفيق
وانا جيت ذلحين المح وش السالفة
إن كان ودكم تحلونها قبل العيد وتظلي الخطر سامهة فاهو أحسن وان كان ودكم تخلونها بعد
العيد وكلن يصلي في مسيد فو الله انها توزة ومابي الا الناس وش يقولون عنا
تعوذوا من ابليس وخلونا نشوف وش عند الريس وبني علي وابوسامي
ولو ان تشاريها ما هي طيبة كيف يفلح الثور والعداد وووو

**التوقيت** · 09-20-2009, 12:39 AM

السلام عليكم ورحمة الله وبركاته وبعد
يابو توفيق لا تتنازل عن حقك ولايضيعونك بني علي والريس وكل واحد منهم يرمي عالثاني سر وابو خالد امامك بناخذلك الحق مادام راسي يشم الهوا

محبك ابو خالد

**التوقيت** · 09-20-2009, 03:54 AM

ساهر
الله يعطينا خيرك انت ودك بالمحثلة .. ترا مسامير الركب باقي في قلوبنا

لا تبخس احسن لك ..

احمد بن فيصل

خلك بعيد حبك يزيد ... وكباريتك ادفنها في الربعة

لا تشوف علوم ما تسرك ترا القلوب متعطشة وبقرتك ام سته كراعين بتفلح .

ابو العشرة

اسمع جعجعة ولا ارى طحين

**التوقيت** · 09-20-2009, 04:40 AM

اقتباس:

المشاركة الأصلية كتبت بواسطة علي ابوعلامه

ساهر
الله يعطينا خيرك انت ودك بالمحثلة .. ترا مسامير الركب باقي في قلوبنا

لا تبخس احسن لك ..

احمد بن فيصل

خلك بعيد حبك يزيد ... وكباريتك ادفنها في الربعة

لا تشوف علوم ما تسرك ترا القلوب متعطشة وبقرتك ام سته كراعين بتفلح .

ابو العشرة

اسمع جعجعة ولا ارى طحين

من ابو العشره الى ابواديب بكره العيد نحمي سمننا000000000بس خلك عندالبابورعشان نعطيك الطحين انت تحسب ابوتوفيق رخيص عندنا ؟ ماناخذ حقه ؟ تراك غلطان يابو اديب
وبعد العيد لنا لقاء لحسم الموضوع ولا تدس ثورك الى جلسنا معكم ومع موامين القبيله وان غدا لناضره قريب

**التوقيت** · 09-20-2009, 07:38 PM

يا ابا توفيق :
بثيت العيون في كل مكان رغبة في مساعدتك ورفع الضيم عنك فوجدت ان هناك ناس لهم ضلع في الموضوع إما برأي او مشورة او مشاركة غير واضحة ويحرشون اخوك الفاغر واحد منهم في الشرقية والثاني في الغربية وهم سناديل لبعضهم اول حرف من اسم الاول الذي في الشرقية بغيت اقل محمد التابعي اعوذ بالله من الشيطان الرجيم والثاني اول حرف من اسمه احمد بن حسن وبينهم خندريسة وانا ما ودي اظلم احد منهم لكن الشبهة قوية وانت ابصر وانا ما احب اواشيها ولا احب الفتنة على خبرك وادور لم المسائل والستر الستر ولا شيء احسن من الستر بين الجماعة والقربة .

**التوقيت** · 09-25-2009, 01:55 AM

رمضان ودعناه .. ونسال الله القبول

والعيد عيدنا وكل عام وانتم بخير

وثور ابو توفيق الي ابتهتنا فيه وش آخر اخباره

يارجال تثبت ...والا نبي رد اعتبار

**التوقيت** · 09-25-2009, 02:14 AM

هذا الكلام اللي يجمد عليه الشارب
عندك ياأبوتوفيق يومين تثبت فيها دعواك
وغيرها ماشي ..

09-25-2009, 03:49 AM

انا اراقب من بعيد

وعيني في الثور وسكاكيني الراجس والقطف جاهزة

وحكم بن قسقس ما تسقيه جغمة ماء

**التوقيت** · 10-04-2009, 07:52 PM

يا خوفكم من الله


	ack"][/COLOR ياعبدالر حيم أشوفك سكت عن حقك لايكون بني علي وابوسامي هددووووووووووووووووووووك إعلمنا وانا أخاف يكون ششششي عللللللم ثاني وإحنا ماندري الله لوطلع إنكم معكم خندريسه والاعلوم تحت الهتله صدقني ماراح يسكتون القبيله

الذين يشاهدون محتوى الموضوع الآن : 1 ( الأعضاء 0 والزوار 1)

اهداءات ساحات وادي العلي