شفته البارح

شفته البارح حكيت وحكالي
وعجبني اسلوبه وصدقه وقلبه
وبعدها ماادري وش اللي جرالي
الله يستر قلبي لايكون حبه
الوضع مايطمن وانا ادري بحالي
الجمر رمد لين جاني وشبه
ياانه نوى يسهر عيوني ليالي
ولانوى ياخذ فؤادي في دربه
راح من عندي ووجهه قبالي
شتت افكاري ولاخاف ربه
طول عمري خالي الفكر سالي
عايش بحالي ماعرفت المحبه
ماكل من شفته اناديه غالي
وماكل واحد ودي اقعد بجنبه
ارتحت له من يوم شفته قبالي
لان الحياه بدون شوفته صعبه

قصيدة للشاعر مساعد الشمراني

 

 

إنتقاء جيد

تقبلي شكري وتقديري

 

 

.

*****

يقول مساعد الشمراني في قصيدته عن:
مساعد الشمراني

شعار دنياي الصبر و شعارها الدنيا كفاح = لا قلت يوم و تستوي مرت سنين وما استون
والله اني مقتنع باللي يصيب من الرماح = اصغر رماحك صابني يوم اكبر رماحك طعن
وفوق هذا ما سلمت انا اسمح ولا القى سماح = كل يمن بجيته حتى الدمع لا جاء يمن
ابوس راسك يا زمن ماعاد فيني للجراح = خلاص يكفيني أسى ابوس راسك يا زمن
يا مكثر ذنوبك معي ما كل ذنب لك يباح = لامن زعلت وش تستفيد وش مكسبك من ذا الحزن
استسلمي يا عزتي لا صارت ايامي سلاح = كان نفسي اسعدك بس الليالي طولن
حاولت انا اشعل شمعتي بس المصيبه في الرياح = لاهي باللي نورن ولاهي باللي انطفن
اخترت في الدنيا ثلاث الستر وانصاف وصلاح = و كرهت في الدنيا ثلاث لا و لايمكن و لن
وحبيت في الدنيا ثلاث الفن وامي و الصباح = و حلفت لا ما اخون الثلاث انتي و جاري و الوطن


شكراً نوال على حسن الاختيار

*****