حلو السلوب

وش بقى من غيب الأيام ياسود الليال

يالله أجعل مادهاني يكفر لي ذنوب

جفت أقلام الأماني على صعب المنال

ماتحقق مابغيته ومنه كيف أتوب

كل ماسلمت نفسي لذعذاع الشمال

تعترض لي شرعة اسهيل وادفعها جنوب

برى حالي مابقى للمغربل وسع بال

كل ماحصل له ادروب تقفيبه ادروب

يالله إنك لا تخلي وجودي راس مال

بس ميزني على الغير في حلو السلوب

شرهة الايام تزعل عذيين المجال

خصه لا ساوت صدوق الحقيقة والكذوب

كم بهتني حضرت الحظ مكسور الامال

واتحفه من برد عمري واخاف انه يذوب

لان عمر الحظ ماله ثبوت ولا عدال

يايميز صاحب الذوق يايقعد بثوب

بس غني للمقابيل بأيام الزوال

ماعلى الله باب ضايق ولا درب محجوب

التجارب تعطي الرجل من جيز الرجال

وعارفة رجال تسوى رجال ماتنوب

كتلة أفكاري تجزء على ميل الضلال

خص لا أغفت بسمة الشمس وأغواها الغروب

كنها تندب على أحزان وتصوت بحال

افزعي يانكبة الحظ للصدر الجذوب

والله ان واقع صداها بصدري لا يازال

مثل واقع صوتك العذب فيني يامحبوب

اقدر افزر شقا الوقت مع ضحك العيال

بس كيف اقزر العمر يانبض القلوب

يامذوقني من المر وورودك أزلال

لا تحملني ترى الصبر طوب ونوب عوب

ترسل أشواقك رسايل واجاوبك اتصال

ترقص اسماعي لصوتك وحكيك ياللعوب

كل نبرة تعطي الصوت وصف مايقال

بس يالبيه فيها شفافية عذوب

يامخلصني من افكاري الشحب الجدال

ومعتق امال تغني طرب من كل صوب

مرني عصرية مارعاها الانفعال

ووزع اكواب الغلا للهبايب كوب كوب

وحطني بعيونك اشعور يحييه الدلال

واجمع شتاتي وعرضني انسام الهبوب

وفكني من حسبة افكار ناتجها خيال

وعدني من مرحلة درس تاليته رسوب

وحط من بيني وبينك ذعاذيع الشمال

بس انا وجهي شماليك وانتي من جنوب


أخوكم/ أيمن الغامدي