محاورة حسن الدوسي وبن هضبان

الله الله يا هذي العلوم السنعة
سوالف وكشف أقنعة ومواهب جديدة وقوارع وإحنا يا غافل لك الله

لالالا وفوقها كل واحد يقول العلوم عند شيبة المنتدى ..
طيب اسمعوا العلم زين ..

أولا.. كنت شيبة المنتدى زمان ... أما اليوم فأنا شيبة الساحات ..

والظاهر أن قول أبو رزق صادف ( كم لك من شيبة يسوى ستين رد بالقلاب من بزورة العلوك ولاعبين الكورة)

ثانياً.. يا حسن الدوسي .. وش فيهم الشيبان يوم تلمزهم وتغمزهم بهرجك يعني أنت باقي ولد 14 ما شاء الله تبارك الله .

ثالثاً .. أنت وبن هضبان ما تسيبون الحكي .. كل واحد يقول العلم عند بن رمزي .. أي علوم الله يهديكم وأنتم خليتم شيء من العلوم ما جبتموه ..

رابعاً .. أنا أعرفك يا حسن ما تسيبك من الحركات اللي أنت خابر .. تبي توهقني في بن هضبان حبيب قلبي ..

أنا قلت واصلوا القارعة حتى أعود وما تحديت احد منكم ..

بخصوص ينبع وما أدراك ما ينبع فهي مدينة ساحلية جميلة جداً لكن نصيحة لمن ينوي زيارتها يبدّي يحجز سكن قبل الذهاب إليها وإلا سيغادرها ليلاً لا محالة ... ربما يكمن السر في قصر الإجازة وتوافد أهل المدينة والقصيم إليها بشكل كبير ..

أما بخصوص عطية بن عقدان والله ما خلاني لا اتصل به إلا خوفاً من النشبة وأنت تعرف الرجال ما يردها ورا .. وما قضيت بها سوى من الصباح إلى قبيل المغرب وغادرتها إلى املج ..

هذي على وزن قارعتكم الجميلة خاصة للدوسي بس أبي أتنشده وش فيهم الشيبان .
مايدري إن الساحات تزخر بكوكبة من شيبان الوادي ( يا ويلك منهم يا حسن )

ياخي حسن وش معك تلمز وتغمز بشيبان
ما تدري إن الشيابة مثلنا ما تخافي
اثبت لنا بالدليل وقل لنا منت منّا
وإحنا وياك اصدقا والكل يفخر بجيله