بوح... وصدى

.

بتركـك للوقت .. وأنت وضميرك

إما تغيب العمــر .. وإلا تجـــيني

بالحيل ظامي .. مارواني غديرك

وبالحيل عنك بعيد .. لا تحتريني





أنا ضرير الوقت .. وأنا ضريرك

بعيد .. لكن كنك قــــدام .. عيني

أبي قليل الحـب ما ابي .. كثيرك

ارجـوك عطني لو بعض .. ديني





جورك محا بصفحة العمر خيرك

وحبك تركني .. هايمٍ في سنيني

انا ادري ان كل الحكي ما يثيرك

لكن لزوم اقول وش صـار فيني





لابد ياتي يـوم و تعرف مصيرك

وتقول بعد غياب عامين ! ويني

خل الهوى.. خله لغيري وغيرك

مادام قلبك .. صادقٍ .. ما يبيني







بتركــك للوقت .. لازم .. يديرك

ذا ما جنته ايديك .. ماهي يديني

.