سفل العلف .. ( الجزء الأول )

.

*****


ــ( سفل العلف )ــ

الجزء الأول

.... الديره حر .... وعلى نهاية الفيحه .....

..... كل ليله تغيم لين تقل بيطيح المطر .... هم أجهت .....

..... بعض المرات ..... يجي بعد الظهر رشاش .....

..... مشهور زرع في ركيبه مسقوي فلجين قضب ..... وجمبها ثفا وبصل وقوطه وخضره .....

..... لكن .... ما يخليها تكبر يذل على الركيب .....

..... دايم مهموم ومسرح .... وإذا حد هرجه نفر فيه .....

..... زوجته .... ودها تعرف وش في خاطره .....

..... تخاف يكن وده .... ينكح فوقها .... عشان يجي له ولد ثاني .....

..... خرج من صلاة العصر ..... لقي سالم واقف قدام المسجد .....

..... وشبك يا مشهور ؟؟؟ .... ما تعجبنى تاليومين !!!

.... الله ياهب على الدنيا معونه ...

..... يتهرجون ... ورايحين طرف جناب لمشهور ..... يقعد فيه بعد العصر ...

..... صاح في بنته ..... روحي قلي لامك تسوي لنا قهوه ...

.....الأم نشدت البنت من عند ابوك ؟

....... عمي سالم .......

..... عمك سالم ؟ ... وش يبغي نخاشان!!! .... الله يا هبها في وجهه .....

.....قامت تحاذف بالمواعين !!! .... سوت قهوه ماهيب هيله .....

..... أرسلت بها البنت وقالت ..... تسمعي وش يقل ...

.... البنت سمعته يقل .... هم علمني وش في خاطرك .... ولا سمعت شي ثاني ...

..... الوسميه يا سالم جايه .... ولا معي ذرو هيل ...

..... احسبت ودك تنكح يا ؟؟؟ ...... ( يقولها بضحكه )

..... ضحك .... الله يهديك ما معك غير تالهروج ..... اقل ودي اشتري حنطه هيله من حقت بيضان ...

..... هم اشتر والا .... ما معك قروش .....

..... لا والله ان معي يا سالم لكن ...... ما تسد هنه وهنه ...

..... هم بع واحد من سفول العلف ... معك ثلاثه وشتبغي بها كلها ...

..... من يشتريه !!! ..... وش بيجيب ؟؟؟

... اقل يا مشهور بيجيب لك خير ..... ان كان ودك ادبره وتاهب لي من طرفه ؟ ... ابشر بذا يطيب خاطرك

..... والله ان كان بتتشطر لي فابشر بالخير ..... لكن لا تميل عليه جهدا ...

... مبغي منك ولا حاجه ... لكن مع من تشتري ... الحنطه الهيله ... آهي عند البيضاني ذا يبسط جنب بن غنيم ...

... ذا .... في سوق الخميس ؟؟؟

... اجل في برحرح !!! .... ها لكن يبغا لك توصي عليه وتاهب له عربون ...

... اها .... لكنّه ما يجيب الا لذا يعرفهم ...

... يا ولد الحلال ... لا شفت الشيخ معدي من جنبه حي عليه ... وقل ودي اشتري ذرو ... هم بيلتفت ويوصي عليه ... ولا بيجيب لك الا شي يجمله من الشيخ .....

..... والله انك محكم يا سالم .....

... يتهرجون ... يضحكون ... يتقهوون ... اغربت ......

..... وهم رايحين قال ... ها لا تنسى سفل العلف يا سالم .....

.... لا ماعيني أنسى ... لكن لا رحت ... انكت علمي في اذن مرتك هم علها تشعشعبه .....

..... مشهور ..... صلى المغرب وراح البيت .....

..... مرته في قلبها شبوبه ... ودها تعرف وش ورا سالم ...

..... البنت .... سمعت وشفي خاطرك ...... الله يهديك ما معك غير تالهروج .....

.... مرته اخرجت العشا ... وهم يتعشون قالت اشوفك مسرح ... وتضاحك نفسك ... وش يبغي منك فتنان ...

..... قال تعشي ..... تعشي ... لا أعشيك ...

..... تعشي !!! تعشي !!! ... ما عدت اعجبك ....

..... تعشي وكان ..... قالها بحنداره ...... والولد والبنات خايفين .....

... لو كان رحت لمحت لبنتك ... الحمى تشلها وتوطيها ... وخليت فتنان يدور من يضحك به ...

..... تعشي لارثمك فوق خشمك .....

..... ابت تسكت .....

..... دقها بجمعه وطاحت على ظهرها .....

..... صاحت ..... الله يجعل ايدك بالكسر .....

...... صكها بكف ......

..... قامت من فوق العشا وهي تدعي عليه وعلى ... فتنان .....

..... عودي تعشي ..... لا افقع راسك .....

..... الولد والبنات يتباكون ..... وهي قامت .....

..... هو تعشى واستند ........ والبنت الكبيره كفّتت المواعين ... والولد علّق السفره في الوتد .....

..... سوت شاهي ووطته في طرف الهدم ..... ووحده من البنات صبته .....

..... راح يصلي العشاء ......

..... رقّدت سفانها ..... ولا عزمت ترقد ... الين تعرف وش يبغي سالم .....

رابط الجزء الثاني
http://www.sahat-wadialali.com/vb/showthread.php?t=1771

*****

 

 

الله يا بو توفيق


لا تحوي

كمل السالفة

 

 

مبدع يا أبو توفيق
وكما قال صالح بن عطيه لا تحوي علينا كمل القصة !!!!

 

 

اضحكت سني ياابا توفيق

اعجل علينا بالباقي دخيلك


تحياتي

 

 

ياسلام عليك يابو توفيق

كم انت مبدع
ما يجاريك الا نخاشان
اكيد معه مصيبة وده يحطلم مشهور فيها ويقعد يتفرج
بس هو اكيد يرسم على شي بعيد

كمل السالفة حتى نشوف ذا إند

 

 

.

. . . ابداااااع ياابوتوفيق

.

 

 

بسم الله الرحمن الرحيم
السلام عليكم ورحمة الله وبركاته
مبدع أبا توفيق في طريقة السرد المميزه بك والخاصة بك
وجالس إنتظر من مدة الجزء الثاني من القصة
مدري متى تتكرم علينا به
لا عدمناك أبو توفيق حقيقة مبدع ،،،،،،،،

 

 

مشكور الف شكر وبصراحة عشنا الموقف

 

 

المشاركة الأصلية كتبت بواسطة عبدالرحيم بن قسقس

..... عمك سالم ؟ ... وش يبغي نخاشان!!! .... الله يا هبها في وجهه .....

يا سلام عليك يا أبو توفيق


وكأني كنت معهم طرف الجناب


هيا لا تحوي علينا






تحياتي
...........

 

 

السلام عليكم ورحمة الله وبركاته


ياأخي الكريم ..

والله سجلت مخصوص عشان أقولك تكمل "سفل العلف"




شـكــ وبارك الله فيك ـــرا لك ... لك مني أجمل تحية .



ننتظرك أخي..