على الجرح

أحيي احبتي وعلى اريكتي دوما نلتقي ..

لن يضيق بكم المقام وسنبقى لكم بالود والوفاء على الدوام
فلسان حالي يردد :
يا ضيفنا لو زرتنا لوجدتنا ** نحن الضيوف وانت رب الاريكة
( مع الاعتذار لصاحب البيت في التحريف )
هنا متنفس لكل ... !!! فضفضوا وثقتكم بالله
وهذه الحياة نعيشها بحلوها ومرها شئنا أم ابينا ...
هنا نلتقي على أريكة الود والحب
نتسامر ونتجاذب اطراف الحديث للتسلية وننثر عبير الكلمة الطيبة ...
تحية مفعمة بالحب والتقدير لمن توقف هنا
بداية من ابي صالح واضافته الجميلة ،،،
مرورا بابي احمد المطرفي ولوحته صدى الجروح هكذا سميت مشاركته ،
ومشرفنا القدير وبصمته الراقية وتعطيره هذا المتصفح
وننتظر عودته المحملة بكل جديد ولذيذ كما وعدنا وعودنا من قبل .
تحية لرفيقي وصديق العمر وتوأم روحي
اخي ابو عبدالله شاكرا اضافته ومروره على اريكتي .

تحياتي

 

 

نطوي مع الأيام عـام ٍ ورا عـام ...

وهذا حال الدنيا !!!


نطوي مع الأيام عـام ٍ ورا عـام ** وتمر ساعات الفـرح فـي دقايـق

أيام راحت بالعمر مثـل الأحـلام ** يوم ٍ بهـا زعـلان وأيـام رايـق

درست من دنياي وأتعبت الأقـدام ** وبدلت عن بعض الطرايق طرايـق

وكفخت بأفكاري كما الطير لاحام ** وماعاقني عن ماكـر العـز عايـق

ياصاحبي خذني معك سيف وحزام ** وياك في وقت الرخـا والظوايـق

أخوك بالفزعات ضـاري( وعـزام) ** يشوقني للطيـب والخيـر شايـق

وترى البشر ياخوك منقسمه أقسام ** بين الردى والطيب شفت الحقايـق

لقيت من صلى وزكا ومن صـام ** ولقيت منهو لأقرب النـاس بايـق

ولقيت من قلبه حقـود ٍ ونمـام ** ولقيت من قلبـه يعـز الرفايـق

ولقيت من يبني الأمل فوق الأوهام ** واللي يموت ولايعـرف العوايـق

ولقيت من يملك بساتيـن وأنعـام ** واللي من الحاجه ينـام إمتضايـق

الله خلق هالخلق سـاده وخـدام ** ذي دبـرة الرحمـن رب الخلايـق

وآخرك يابن آدم ترى قطعة الخـام ** أمـر ٍ أكيـد ومايبيلـه وثايـق

يالله عسى ماكون قطاع الأرحـام ** وعساي من عقب القبر في حدايـق

جاك الكلام وخذ معه بصمة إبهـام ** أن العمـر كلـه مجـرد دقايق

للاسف لا اعرف قائلها .

تحياتــــــــــي