إحساس ما حسيت فيه بحياتي
ولا طرالي مثل هذا على البال
كلمني أكثر عنك واترك سكاتي
بتأملك وأتخيلك أجمل آمال
أنت الهنا وأنت العنى وأمنياتي
ويازين هالصدفة على كل الأحوال
لقيت فيك أنت قربي لذاتي
تقرب لقلبي بالنوايا والأفعال
ماضيك يشبه بالألم ذكرياتي
والحين نفس الحظ والجرح والفال
طبايعك طبق الأصل من صفاتي
أهم شي الصدق فيني ولا يزال
أمشي ولا أدري وين قبلك جهاتي
من جيتني والدرب موعود بوصال
طاريك يجمعني وينهي شتاتي
مشاعري لك شوق والبال ميال
أنا بقلبي شي وش السواتي
ودي أقوله بس شلون ينقال
الحب ما يستأذنك يا حياتي
يلحق على راعيه بالصبر لوطال
06-30-2010, 05:23 AM
العرض الشجري