قصائد الشاعره عيده العروي الجهني (وحيدة السعودية)

.

*****

( عوّدت عيني )

عذبتني ياشوق من يبـدع لحـون = وأودعت قلبي من تشكّيك منصـاب
إن كنت مفتونٍ فأنا فيـك مفتـون = وفي حب قلبي لك يحيرنّ الألبـاب
وبجاه ربٍ كـوّن الكـاف والنّـون = اللّي جمعنـا دون ميعـاد وأسبـاب
لأرجيك رجوى حايل البدو لمـزون = لو إن دون وصالكم قطع الأرقـاب
ياكثر نـاسٍ قبـل حبّـي يحبـون = وياقل وافين العهد بيـن الأحبـاب
والله لـو كـل المحبّيـن يجـزون = عن حبّهم قلبي عن الحـبْ ماتـاب
لاتحسب إن الحبْ بالقرب مرهـون = لو غاب شخصك صادق الودّ ماغاب
ويّاك لو تبعد ترى القلب مشطـون = لأجلك تحمّل بالهوى هَمْ وانصـاب

*****