قصائد الشاعره عيده العروي الجهني (وحيدة السعودية)

.

*****

( عوّدت عيني )

عـوّدت عينـي بعـاداتٍ لهـا زينـه = ماتبكـي لراحـلٍ أو تفـرح بـلافـي
حيث إنْ من هو لفـى لازم ظواعينـه = ترحل .. ومن هو رحل عنه ألف خلاّفي
وقـتٍ تعلمـت زيفـه فـي قوانينـه = ظالم لباسه بعينـي لبـس الإنصافـي
كنـت آتخيّـل ربيعـي فـي تلاوينـه = حلمٍ صغيـر برعشـة خافقـي طافـي
وأضحك ودمّي كتـب حرفـه بسكينـه = وأبكـي توجّـد لشـيٍ غايـب خافـي
شيٍ تعلّـم لسانـي النّطق..لـه وينـه = دونه من الغيب ستـرٍ داجـيٍ ضافـي
وعمري على ويش بأنطر تالي سنينـه = عذابي اللّي مضى عـن مقبلـه كافـي
والشّعـر خلّيـت دمّـي فـي ميادينـه = وباعتى بحوره صلبت بفكرتـي قافـي
وحاربت في ليلـه الخايـف شياطينـه = وعوّدت من رحلة الرّمضا وأنا حافـي
عوّدت قلبـي جريـح وبينـي وبينـه = وعْدٍ يجـدّد بقلبـي جـرح الأسلافـي
أنـا رهينـة ضياعـه فـي موازينـه = يومٍ تجرّعـت بيـدي سمّـه الصافـي
وأنـا تعذبـت أدوّر عـن عناويـنـه = حتّى لقيتـه بجوفـي حلـم وأطيافـي

*****