على الجرح

ياذيب لا عديتَ في أعلى المرآقيـبَ *** وجريت صوتنَ يسمعه كل صاحـيَ

جر العوى يا ذيب وأسمعكَ وأجيـبَ *** ويجاوبـكَ صوتـن كثيـر النيآحـيَ

جرحي عطيب ولا يفيـد التطابيـبَ*** ونزفي مع الايـآمَ مـا بعـد راحـي

ذقنا العناء ياذيـب ذقنـا اللواهيـب*** وهم علـى قلبـي صعيبـن يزاحـي

هم العناء والضيق والوقت والطيـبَ*** وهم الصحاب اهل العقول الصحاحي

وقت تغير فيـه حتـى الأصآحيـب ***وخالط هبوبه من سمـوم الرياحـي

وما عاد تعرف منهو يصيبب ويخيب ***لاجاء نهارن فيه رمـي السلاحـي

يقول أنا لك يا عطيـب المظاريـب*** وخـلاك للشلفـاء وزرق المناحـي

ياذيب انا مثلكَ ترى حالي صعيـب*** طايح مثلَ صقرن كسيـر الجناحـي

كيف الخويَ اللـي يسـد المواجيـب*** يترك خويـه للعنـآء والجراحـيَ

هذا زمان الـذل و الشـكَ والريـب*** هـذا زمـان النـت والأنفتـاحـيَ

هذا زمان عرض الرأس للشيـبَ ***يا وين ابلقـى فرحتـي وأنشرآحـي

ما عاد باقي من عناء الوقت تجنيـبَ*** الأ يا كودَ المـوت يعلـن طياحـي

ويآذيبَ لا عديتَ بأعلـى المرآقيـب ***وجريتَ صوتنَ يسمعه كل صااحـي

جر العوى يا ذيب لو ما بها عيـبَ*** وأعلنَ بعـد موتيَ وحتى مرآآآحي ..


كلمات الشاعر : مرضي بن فرج العتيبي

تحياتي بـــــود