من القـــــــــلب

.

.

.

قريت الهرج بعيونك قبل لا تنطقه بشفاك = سكت وقلت أسمع لك تقول الهرج بلسانك
أنا ماجيت أبروز لك جروحي ياغلا وأشقاك = ولا قصدي أجي يمّك أزيد بحبي أحزانك
أنا جيتك هنا قصدي أبنسى بك شقاي هناك = وأبقالك بشر لو خانت الأيام ما خانك
ولكن دامها مني جروحك والشقا يعناك = أجل بمشي ولا بزعل أبرضي الحزن من شانك
لأجل تفرح عسى عمرك يدوم وبعزته يهنالك = ومن زود الغلا بدعي بكل الخير لخلانك
ولكن قبل لا تمشي أبحكي ياغلا وياك = أبشكي بعض مافيني من أسبابك وهجرانك
أحبك إيه وربي أحبك صعب أنا أنساك = أنا ماقلت لك قلبي يموت بيوم ما خانك
حزين بس لاشفتك أكابر وأقول ياهلا حياك = وأنا اللي بداخلي أكبر من الترحيب بأعيانك
أنا ياكثرهم جنبي ياكثر اللي يقول أهواك = وتميل أوزانهم فيني ولا قد مالت أوزانك
ولكن دامها منك وجت منك ونطقت بشفاك = مدامك قلتها واثق بعد وبعظمة لسانك
أنا ماأقول لك فارق خلاص أرحل ماعاد أبغاك = أنا اللي جيت بقوله يموت القلب ما خانك

.

.

.

.

.

.