بين عجيرأبوعالي والسندف

الله يا وضاح....
اتاريك مشترك في الساحات..؟؟
عموما لدي شريط كامل سجلته مع سعيد السندف غفر الله له
وفيه كثير من طرق لويحان مع عجير ابوعالي ووالدي ومحمد ملاسي وصالح الزبير
ولكن عشان ادور على الشريط يبيلي وقت واللي اتذكره ذلحين باقوله
كانوا في احدى الليالي نهاية الستينات الهجرية في الرياض السندف وعجير ووالدي وحسين المطوع بن دلهامه وصالح بن ثعفود وعبد الله بن حسين يرحمهم الله جميعا
وكان نجمي السهرة عجير والسندف وكان العشاء عند عبدالله بن حسين واخذوا لهم قارعة بطرق طويل جابه لهم عجير اعتقد من بيشة او رنية
يقول عجير :
وانه لك ياتمر صفري في عذوقه صاحبه ماتعنى
بالله ياقاطعه عالنص من شعبان حين ياذب احتم
رد السندف:
الله ياولاد العلي يحفظ الرجال منكم والدني مات عنا
وانا ما ادري ذا اللحم الكثير جبتوه مالقصاب ولا ذبحتم
هناك بعض الاخطاء البسيطة ولكن هذه كانت القارعه وهي موجود ه في الشريط الانف الذكر
بس الله يجيب الوقت واكتب مافيه من مساجلات
وعلى طرق لويحان
يقول السندف لصالح الزبير
الا يامرحبا واهلين بك ياباشة الديبان
طريق الداب ديبان (ن) وانا ادري وين واديها
الرد من صالح الزبير :
انا لو جيت لك بالود يالصاحب فودي بان
ولو قدمت لك مني هدية وين واديها

في جلسة اخرى ونفس الطرق:
يقول الزبير :
الا يامرحبا عند الذي رحب وقدرنا
وينقد في جليسة قبل تفكيره ومنقاده
قال السندف:
شروا كبش وانا ياناس بالتسعين قدرنا
وانا ذي بفتكر فين الذي جابه ومن قاده

وللحديث بقية .
وفق الله الجميع