ياسعود .. القسوه

قصيدتين تآئهتين




... ياسعود ...

لا واهنيك داله ياسعود
تمشي وقلبك دايم سالي

ما لاعك اللي لاعني يا سعود
ولا جرى لك ما تهيا لي

ما صوبك راعي العيون السود
ولا شكيت مفارق الغالي

أسهر وكل العالمين رقود
ودموع عيني تهمل همال

اللي نبيه ما عاد به موجود
يا سعود هذا منزله خال

ماهوب قصده يوم راح صدود
لا شك هذي دبرة الوالي

يالله عسى هاك الزمان يعود
وترجع ليالي ضايق البالِ

بس أتحرى يومه الموعود
حالي قضى ما عاد به حالِ



... قـــــسوهـ...


ليه أذا حبيتك أكثر زدت قسوه..
وان دريت بحاجتي لك زدت جفوه..
وان عطيتك من حياتي ما تريده..
ما كفاك وتحسب ان الحب نزوه..
والله اني يا احب الناس احبك..
والله ان الروح لو ترضيك فدوه..
والله اني تاركً غيرك وجيتك..
مزعل الزعلان والعذال عنوه..

كل دقة قلب فيني لك قصيده..
تكفي الدنيا مع الاحباب غنوه..
وكل هاجس ما يجيب الا خيالك..
سلوتي بالعمر في صحوه وغفله..
اجمع احساسي واشواقي واجيلك..
والبس ثياب الهوى والعشق كسوه..
انتقي لك من سواليفي حسنها..
والقصايد من غزلها كل حلوه..
وانثر العبرات والضحكات عندك..
تاخذ اللي تلتقي لك فيني سلوى..
واذكر الله كل ما ناظرت حسنك..
اشهد انك فوق عرش الزين ذروه..

لم أورد كاتبي هذين النصين لأنكم بالتأكيد
تعرفونهما وبالذات محبي الفان محمد عبده ..