مالا تعرفه عن الابوذيات

أخي الكريم أبو ميس دعني أشاركك بأبوذيات للشاعر العراقي
محمد رحيمه الطائي لطشتها من ملتقى الشاعر نفسه

ابو ذيات عتب الحبيبة والحبيب يرد.....الشاعر محمد رحيمه الطائي

الحبيبة:
هجرك يا ولف صاير.......بلا حد
مثل سيف اليكص ركبة...بلا حد
كلتلي انتظري انا ارجع....بالاحد
اجه الاحد ويمتى تعود اليه
********
الحبيب:
أحد سجين صبري وجن.....ولا احد
التفت وما شفت ربعي.......ولا حد
جم سبت اليمر بيا ............والاحد
اجي بس شوفتج تصعب عليه
*******

الحبيبة:
لا تهم بالعمر خلصان........وحدة
وانا ضعني سرى بالهوى....وحدة
حلت جنها بعيونك غير ......وحدة
وكمت ما تجي وما تسأل عليّه
******

الحبيب:
غيرج ما حلى بعيني....ولا طاب
ولا دونج دخل قلبي.....ولا طاب
يا جرحي وياج لا هود...ولاطاب
دم ينزل ولا تدرين بيّه
******

الحبيبة:
محبتك تسري وي روحي....وي دماي
وعليك انشلت عظامي.........و يدماي
انجويت بيد انا نار.................ويد ماي
لكن من يطابكهن سوية
******

الحبيب:
عليج الروح راحت...........من يردها
و وكيحة همومي صارت....من يردها
خطية الروح ملت...........من يردها
لأن بس الصبر يسأل عليّه

كل التقدير على ماتنقله لنا من إبداع متنوع
دمت بود