عيشه وخيشه

تـابـع قصة عيشه وخيشه ......

دخل مخايش بيت العمدة الكبير ..
وبانت له عيشة
والتفت يمين وشمال ،،

ناداها..:

عيشه .. سارق الحمام ويش يدلك عليه

قالت : ريشه يا مخيط الخيشة!!

قال : ..ريشه ياعيشه ،، !! تمام صبتي الهدف

قالت وضح كلامك يامخايش ، وش تقصد

قال : العشق من الامراض ..له علامات واعراض !!!

تنهدت بفزع عيشه تنهيدة طويله ،، وقالت :

أييييش يابو الخيش !!؟؟

قال مخايش :
عايش .. عاشق الدرايش ،

انشاف وهرب لما خاف ، وحلف ابوك :
ان يرميك في بطن المطوية ، ويدفنها عليك بلا رحمة ولا ماوية ،،

فغرت فمها المسكينة ، وكادت تقع من الخوف ،

قال اسمعي ، ليش ابوك اوصى البواب يسكر الابواب ، وقال الليلة مادونها ليلة ،

قالت لانه موعد قران غصاب ابن عمي ،
قال انا الماذون ، ولو كان ، كان علمني ،

لكن اذا ترغبين الخلاص، حطيتك بالخيش وهربت بك خارج القرية ، ولاقيت بينك وبين عايش ، الغبي الطايش ،
وتنجين انت وهو من الموت ،،
ويسلم ابوك من ذنبك ،
والعذر ياعيشه موجود ، وفي ذهني معقود،،

قالت : اموت ولا افضح ابوي ، لا لا الموت في المطويه استر ليه ،
قال : نرمي الغوايش ينشبن بالعقش ، وكنك رميتي نفسك في البير من الغشش ،
بير الكير اللي ما يوصل قعرها الطير ، تعرفينها ؟؟
اعرفها ، وصاحت رووح رووح ، لو اموت ما فكرت اصلا في رايك ،,
قال بمكر وهو يضحك ، اذا فكرتي ونويتي ارمي لي بقشر الخشخاش ،مو من الدرايش اللي يجي منها عايش ، من الدريشه جهة مسجد ابو غبيشة !!
وخرج مو من الباب ، من الدرج ،،

،،،،

ولحظات وجاء ابوها وعيونه يطير منها الشرر ، وصاح ما بعد الليلة من ليلة،

خافت المسكينة ، وقبل الغروب ، طارت لراسها فكرت الهروب ،
وقالت والله حل مخايش ، اهون من الموت في البير ، ورمت بالخشخاش ،
وجاها مخايش ،
بسرعةالبرق
قالت : خذ الغوايش وخشني بالخيش يامخايش ،قال : هيا اقعدي بالكيس والفراغ باحشية بالقطن
قالت افتح لي بالكيس فتحة اتنفس منها ، قال ابشري بس سديها بالقطن لا ننشاف
قال : وليش ماخذه معك قشر الخشخاش ، قالت : علشان يغير ريحة الخيش
قال : ذكية وانا اللي طلعت درويش ،
لم الغوايش الثمينة بجيبة ، وشالها برفق فوق ظهرة ، وصارت عيشة بدون مايدري مخايش ترمي بقطع قشر الخشخاش في كل زاوية ، سار بها مخايش بين الاشجار والجبال ، ودخل سرداب في الجبل محفور ومغطى بمثل الباب وله درج ، قال : هيا ادخلي ياعيشة ، قريب راح اجيب عايش ، خافت وقالت من سواه السرداب ، ومن فصل له هالباب ، يالملعون يالكذاب
مسويه من زمان يالخوان ، والله ان قلبي قال لي لا تامنينه
تلها بقوة جوا
وضحك الخوان ،، وقال : من زمان ،، وانا انتظر زيارتك ياست الحسان ،،

دب الرعب في قلب المسكينة ، وقالت يارب خلصني من الذئب الخائن ، غدر بي الجبان ، رمت ما بقى من قشر الخشخاش ، وخفت مثل الطير هاربه ، وطار مخايش مثل النسر وشدها وكمم فمها ودخل بها السرداب واحكم قيدها ، وقال ، في مغرب بكرة ، موعد العاشق الولهان ، بقمر الزمان ، وزينة الحسان