تدري وش اللي يقتل الـבـب بسكات

تدريےُ وش آلليےُ يقتل الـבـب بسكات

يغنيك عن كثر الحكي مجمل ابيـات

ومن ياخذ المضمون يلقى الادلـه

تدري وش اللي يقتل الحب بسكات

لاصرت في بوحك تحـس بمذله

وتـدري وش اللي يكسر الظــهـر حزات

لامن عطيت احـساس ماهو محله

وتـدري متى تستاهل الطـعن مـرات

لا من خطـيـت الدرب وانته تدلــه

لا تتبع المقفي على كل حالات

بعض الوجـيه اللي تقابلك عله

ولا تسال الغالـي عن الجـرح لا فات

نبش الحكـي يزود الطين بلـه

طالع فمن حولك وتاخذ شهـادات

مانلتها لو تدرس الدهر كلـه

ناس(ن) تجر من اسـود الضيق ونات

وناس(ن) تقضيها وناسـه وفلـه

هـذاك شال هموم غيره ولا بات

وهذاك مايدري عن احساس خله

احدن يهين اصله على كل زلات

واحدن ترومه شيمـتـه ماتزلـه

لا تقول حظي من عنا الوقت قد مات

قل مات حظ اللي عناه استحلـه

ولا ضاقـت الدنيا وعلى الكيف ما جـات

اطـلق احجاجـك ثم توكـل على الله

مما راق لاسير

 

 

يا ســـــــــــــــــــاري

أحسنت الاختيار لهذه القصيدة الرائعة للشاعرة أميرة نجد ( العزوف )

وأهديك هذة اللوحة الشعرية لنفس الشاعرة مع مناسبة القصيدة:


مناسبة القصيدة

قالت الشاعرة:

( هذه القصيده قلتها في اول رمضان عام 1424هـ
ومناسبتها كنت في احدى المدن وجا هاك الغيم والمطر
واهل المدينه مايبون المطر شفت السيل والخير وتذكرت ديرتي
وطلبت ربي ان يسقيها
والحمد لله مامر على دعاي 3ايام الا السيول والخير على الديرة
وربعت ولله الحمد الصورة اللي كتبت عليها القصيده
هي صورة حقيقه للصمان الآن بعد الربيع والخير واهديكم (المزون)
مع تحيات عـــ أميرة نجد ـزوف )

دمتَ بود ولكَ الورد.

 

 

 

 

اسير الحزن
قصيدة رائعه .. تقبل مروري