.
*****
بياع العنب ماجاني = شكله ياسعد زعلاني
كلمات الشاعر محمد بن لقفص العمري
بياع العنب ماجاني
شكله ياسعد زعلاني
خلا داخلي وجعاني
مدري عاد ويش اعذاره
_______
وش غير طباع الغالي
قص الوصل والمرسالي
خلاني كسير البالي
في قلبي تولع ناره
_______
من بعد الوفاء والطيبه
باءت كلها بالخيبه
والمجروح في تعذيبه
ماوده تبيح اسراره
_______
دام الزين ماهو داري
عن حالي وكل اخباري
ماهو بالوصالي اجباري
كلِ يقتنع باصراره
_______
لازال الوفاء من طبعي
لو بان الخلل ياربعي
يبقى مثل ماهو وضعي
والعاقل حكيم افكاره
_______
قلبي ماتناسى خله
مهما قال غيري خله
المطلوب كيف اصله
وانا ماعرفت دياره
_______
لا هب الهبوب الغربي
واعطى مايكنه قلبي
هاجوسي بدا يلعبي
والنفس اصبحت محتاره
_______
ياهمس الليالي قلي
وش وصاك فيني خلي
تكفي قله اني كلي
في ساحة ربيع اشعاره
_______
قلبي من جفاه ينادي
ويقول الحبيّب غادي
كان الامر عنده عادي
من حب الجفا يختاره
_______
بياع العنب لا تنسى
خلك لا ظواك الممسى
ماظنيت قلبك يقسى
لو زادت عليه بخطاره
_______
بياع العنب ماجاني
شكله ياسعد زعلاني
خلا داخلي وجعاني
مدري عاد ويش اعذاره
*****
01-17-2016, 12:12 PM
العرض المتطور