.
*****
من القصائد المغناه
قصيدة وصيت قلبي وردة بلادي
للشاعر عبدالرحيم السيد
و
الشاعر مطلع الـشمس
وصّيتْ قلبـي عليـك وفكـري وظنِّـي = ان غبـت عنهـم عليـك عتابهـم هـادي
مـا ودِّي تجـرح شعـورك كلمـةٍ منِّـي = وانته حياتي وعمري ومهجةْ فوادي
ودي تعيـش العمـر راضـي ومتهنِّـي = مرفـوع راسـك عليـك العـز متـبـادي
يـا تـاج راســي وانـتـه مـنِّـي وعـنِّـي = تـامـر وتنـهـي وامــرك أول الـبـادي
*****
ياشوق روحـي وقلبـي وقطعـةً منـي = عتابك ألطف من النسمه على فوادي
مـا يجـرح القـلـب الا غيبـتـك عـنـي = والا عتابـك يشـابـه طبـعـك الـهـادي
أنـا اهتنـى يـوم أشـوفـك أنــت متهـنـي = وأشوف نور الهنـا فـي طلتـك بـادي
ما يختلف فيك ضني يا حسـن ضنـي = دايــم وفـيـاً مـعـي يــا وردة بــلادي
*****
من كثر خوفي عليك الخوف يمحنّي = وافقد شعوري واشوفك غاية مرادي
ان غاب صوتك أناجي الليل واونِّـي = واتخيِّـلـك واتـذكّــر هـامــةْ بـــلادي
مديـون لـك بالغـلا والحـب مشجنِّـي = يـا مستحـل الفـواد العاشـق الـغـادي
من يشبهك في البشر يا ذوقي وفنِّـي = يا راحتي وبسمتي وموتي وميـلادي
*****
لا تخافِ مني ومـن قلبـي إذا ونـي = أكيـد مشتـاق لـك يـا غايـة مـرادي
ما يتعب القلب غيـر الشـوق لكنـي = أصبّره بالقصيـد وصوتـك الشـادي
أنا أحبـك وحبـك مـن صغـر سنـي = ما بالغ أن قلت لك من يوم ميلادي
أكبـر ويكبـر غـلاك اللـي مجنـنـي = غصباً عن عيون حسادك وحسادي
*****
وصّيـتْ قلبـي عليـك وقــال متجـنـي = واحذر غيابك على قلبي مَهُبْ عـادي
وصّيتْ قلبـي عليـك وفكـري وظنِّـي = ان غبـت عنهـم عليـك عتابهـم هـادي
مـا ودِّي تجـرح شعـورك كلمـةٍ منِّـي = وانته حياتي وعمري ومهجةْ فوادي
ودي تعيـش العمـر راضـي ومتهنِّـي = مرفـوع راسـك عليـك العـز متـبـادي
*****
لا توصي القلب لي بالشـوق متعنـي = مـا دمـت أحبـك عتابـه مهـو بعـادي
عـتـاب قلـبـك عـلـى حـبـك يطمـنـي = خـلـه يعـاتـب أنــا سلـمـتـه فـــوادي
ياشوق روحـي وقلبـي وقطعـةً منـي = عتابك ألطف من النسمه على فوادي
مـا يجـرح القـلـب الا غيبـتـك عـنـي = والا عتابـك يشـابـه طبـعـك الـهـادي
*****