يـــــابـــــوي عطنــي شمــاغك بلثمـه واحتمـي بــه

[img] [/img]


أنــا غرامـــي لاابتـــــدوا بالــتّراحيب
نفوس الأوادم في وجـــودي رحيبــــه


السلام عليكم ورحمة الله وبركاته


يابـــوي مـــاني من ســـوات المخاريب
إللـــّي تجيب لعليــــَة القــوم خيـــــبه


ومــاني من إللــّي لامشت حفــّها الرّيب
أنا مـــن اللــّي مايـــدنـــّس حليبـــــه


مـــرفوع شـــاني عن غــرام المكاتيــب
وأكبـــر من انّني أرتضـــــي بالحبيبه





حضرت اليوم ويشرفني ان اكتب اول قصيده في قسم الشعر
اتمنى ان تنال اعجاب الجميع
فلن أُطيل المقدمه عليكم واترككم معها>>

	"يابــــــوي "جعلك للبقــــــا والمكاسيــــــب عمـــري بدونك يالــذ ّرا ويـــش أبي بــه يابــــوي تســـأل عن شفـــــاك المراقيب طلعــــة ســــــواتك للنــــّوايف غريبـــــه ليــــه المـــــرض مايعرف الزّيـــن والعيب ؟ مــــايدري انك للمخـــــــــاليق هيبـــــه !! أبســــألك وش بــــه غـــزا وجهك الشيب والقـــلب لايــــع والنـــــواظر شحيبـــــه وش بــــك تحــــاتي لانــــوى الموت تغريب تخشــــى عليــــنا بالليـــّالي الكئيبـــــه خـــذ دلــّتك واركـــــى على مسند الجيب وعطنــي شمــــاغك بلثمـــــه وأحتمــي به ونـــروّح لأرض ٍ بهــــا العشــب والطيب وتسمــــع كلام ٍ يالغــــلا تحتفـــــي به يابــوي بنتك لاإنحكـــــى بالتــّجاريب كـــل ٍ يشق لهيبــــه الصـــّيت جيبـــه يابـــوي مـــاني من ســـوات المخاريب إللـــّي تجيب لعليــــَة القــوم خيـــــبه ومــاني من إللــّي لامشت حفــّها الرّيب أنا مـــن اللــّي مايـــدنـــّس حليبـــــه مـــرفوع شـــاني عن غــرام المكاتيــب وأكبـــر من انّني أرتضـــــي بالحبيبه أنــا غرامـــي لاابتـــــدوا بالــتّراحيب نفوس الأوادم في وجـــودي رحيبــــه وإن كـــان زينـــــي فتنـــة ٍ للمــصاويب !! أحــــط وجهـــي بالحــــريق ولهيبـــه !! زينـــي أبيعـــه وأشتــــري سمعه الطّيب !! إســــم ٍ ينـــومس بالصـــّروح الذ ّهيــــبه !! وإن كـــان عندي ( بالحـــلا) شي ٍ اصعيب !؟؟ عندي جــــدود ٍ مارضــــت بالغليبـــــه ** دمــــوع القبايل في لقـــانا مســــاكيب كــــن المقــــابر لاحضـــرنا قريبــــــه خضـــّبت لك كفـــّي من العـــز تخضيب ورفعــــت راسي للنــّجوم الصــّعيبه واللــــه لأســــدّك بالفــعول المصاليب واللـــــه لأشيـــلك بالرخـــا والمصيبه طــــلع المعــالي ماأنحكــــم للشــّواريب بنـــت ٍ وأنـــــاطح فارس القـــوم طيبه وياشيخـــي إبشــر لوتدور الدّواليـــب بنتـــك إلا منـــّه عــوى الذيــب (ذيبه)

وسلااااااااااامتكم


بنت الســــــــــــــــــــــلاطين

 

 

تسلم يدك يا اختي

رائعه جدا يالذيبه يابنت ابوها


حياك الله وحيا الله شعرك الزين

 

 

[TABLE1="width:100%;background-color:white;border:60px double chocolate;"]

[TABLE1="width:95%;background-color:white;border:60px solid sandybrown;"]

يابـوي تسـأل عــن شـفــاك المراقـيــــب



صح لسانك


الأب


وينك يابوي
تركتني لحر الطريق
ونظرة الشامت والرفيق



آآآه يا بنت السلاطين



ليتني الحين أقدر أقول يبه


يعطيك العافية وتقبلي مروري

 

 

بنت السلاطين
قصيدة رائعة جدا
والله وانعم بك وبأبوك
لك التحية ولقلمك الاحترام

 

 

الله يحيك يابنت السلاطين
مكسب لساحتنا ومطلب وغايه
خطك وبوحك له مكانه وتثمين
القادم أروع دام هاذي البدايه

 

 

بدت غربتي

ومن قال سالم

والله يحييك ويبقيك خيووو

ولاهنت على التواجد

 

 

سعيد بن راشد

1
2
3
4
5


1000,000تحيه لك ولتواجدك في متصفحي

 

 

ساهر الليل

سلااااااامتك من الااااااااااه

واللي خلف ما مات يالغلا والبركه فيك

والله يعوضك بالذريه الصالحه يارب

ولاتنسى والدك بالدعاء والصدقه فهذا حقه عليك

لاهنت لتواجدك واعتذر لو حركت الجروح