قصيدتان ستعجبكم (من بادي الوقت ، وجمرة غضى) بمناسبة البرد!!

	من بادي الوقت وجمرة غضى بمناسبة البرد في هذه الأيام هل علينا برد الشتاء ولروعة الدفا في البرد تذكرت رائعتي خالد الفيصل 0 قصيدة من بادي الوقت وجمرة غضى للأمير بدر ابن عبدا لمحسن : من بادي الوقت من بادي الوقت هذا طبع ألأيامي عذبات الأيام ما تمدي لياليها حلو الليالي توارى مثل ألأحلامي مخطور عني عجاج الوقت يخفيها اسري مع الهاجس اللي ما بعد نامي وأصّور الماضي لنفسي وأسليها أخالف العمر أراجع سالف أعوامي وانوّخ أركاب فكري عند داعيها تدفى على جال ضوّه بارد عظامي وألما يسوق بمعاليقي ويرويها إلى صفا لك زمانك علْ يا ظامي اشرب قبل لا يحوس الطين صافيها الوقت لو زان لك يا صاح ما دامي يا سرع ما تعترض دربك بلاويها حتى وليفك ولو هيم بك هيامي سّيور الأيام تجنح به عواديها جمرة غضى للأمير بدر بن عبدا لمحسن جمرة غضى أضمها بكفي أضمها حيل أبي الدفا لو تحترق كفي وأبي سفر للليل بردات أنا تكفى .. أبي احترق ابدفا لعيونك التحنان في عيونك المنفى جيتك من الإعصار جفني المطر والنار جمرة غضى والله الجفا برد وقل ألوفا برد والموعد المهجور ما ينبت الورد يا حبي المغرور ياللي دفاك أشعور رد القمر للنور واحلي العمر في وعد يردان يردان أنا تكفى أبي احترق بدفا يا أول الحب شفتك أنا مره ويا أعذب الحب عشتك أنا مره وأهديت لك قلب ورديت لي جمرة ومن يومها كان الرحيل وليل الشتا القاسي الطويل وآه يا الحنين للليل باب له حارسين برد وسحاب عسى ان تروق لكم وانتم بصحه وسعاده

 

 

.

*****

اكيد قصائد البدر تعجب ولها طابع خاص وله قصيدة
"انا احبك"

انا احبك مابها زيف وخداع
رغم الذي نخفيه واللي نخافه

أودعك ليت الألم لحظة اوداع
إلى مضت ننسى الألم والحسافه

وأفارقك لوالسفر يم وشراع
وبعد الفراق اللي نوده نعافه

لا صار مافي البعد راحه لملتاع
بالله وش نفع التعب والكلافه

من الجفا والصد يكفيني اذراع
لا جف نهر الحبماتت اضفافه

املي يدك رمل وترى هذي القاع
ومدي النظر تدرين وش هي المسافه

تحاتي وتقديري ابا صالح على حسن الاختيار

*****

 

 

والجمال بالجمال يذكر هذه إحدى رائعات البدر أشارككما هذا المتصفح الفني بها

((المرايه ))
كلنا عشاق لكن ..
إنتي لا ما انتي معايا ..
لما تجمعنا الأماكن
تاخذك مني المرايا ..
انتي مشغوله بروحك
ما ملك عقلك وروحك
لا أنا.. ولا سوايا
اعطي ظهرك للمرايا .. وشوفي غيرك
اظهري من ليل كحلك ومن أساورك وحريرك
افتحي الشباك مره .. شوفي الناس والشوارع
وش كثر هالغربه مره .. للي وسط الزحمه ضايع
انتي مشغوله بروحك .. ما ملك عقلك وروحك
لا أنا.. ولا سوايا
كلنا عشاق لكن
كل واحد له حكايه ..
كلناعشاق لكن
كلنا نحبك.. نحبك
وأنتي جرحك في ساكن .. وأنا جرحي برا قلبك
أمشي لو نصف المسافة .. وقفي بينك وبيني
أكسري كل المرايا .. أنتي أجمل وسط عيني
يا للي مشغولة بروحك من خذا قلبك وروحك
هو أنا .. ولا سوايا
كلنا عشاق لكن
كل واحد له حكاية

مع فائق الود للرائد والدنا نايف بن عوضه متعك
الله بالصحة وسعادة الدارين

 

 

[ الى صفا لك زمانك عل ياظامي *اشرب قبل لايحوس الطين صافيها* ابي الدفا لو تحترق كفي* رائعتيين للرائعين الشاعرين *الامير خالد الفيصل *والامير بدر بن عبدالمحسن والرائعه الثالثه انها من اختيارك ابو صالح دمت وادام الله لك الخير والصحه

 

 

الغالي العزيز عبدا لرحيم 0 إن مما يسعدني 0 إثراء طرحي بحسن الاختيار في ما تتداخل به وهذا من ذوقك الرفيع اشكر لك مرورك تحياتي 00

 

 

الغالي العزيز مشرف عام 3
تستفزني مداخلاتك أنت والعزيز عبدا لرحيم بما تضفونه لي طرحي من القبول والإثراء 0 حقيقة شيء اعتز به وإنا يستهويني الكلام العذب وأحب لن تشاركوني ما يعجبني اشكر لك مرورك تحياتي 00

 

 

المشاركة الأصلية كتبت بواسطة سليسلة ابو عبدالرحمن

[ الى صفا لك زمانك عل ياظامي *اشرب قبل لايحوس الطين صافيها* ابي الدفا لو تحترق كفي* رائعتيين للرائعين الشاعرين *الامير خالد الفيصل *والامير بدر بن عبدالمحسن والرائعه الثالثه انها من اختيارك ابو صالح دمت وادام الله لك الخير والصحه

شرفني مرورك 0 يا يعسوب المنتدى 0 وحركاتك المتلاحقه بارك الله فيك ورضي عنك ورحم والديك 0 انا واثق ان ذوقك راقي من خلال مداخلاتك تحياتي 00

 

 

ما اروعك استاذي نايف بن عوضه فذائقتك واختيارك دوما في المقدمة
نسأل الله يوفقك ويوفقنا ياغالي

 

 

المشاركة الأصلية كتبت بواسطة الشاعر سعودي بن نايس

ما اروعك استاذي نايف بن عوضه فذائقتك واختيارك دوما في المقدمة
نسأل الله يوفقك ويوفقنا ياغالي

وحشتني يا بن نايس ومشتاق لك ولمناوشاتك ولولا حبحك ما بحثت عنك حتى لقيتك لك الحب والاحترام اشكر مرورك واعجابك بالاختيار 00

 

 

المشاركة الأصلية كتبت بواسطة الشاعر سعودي بن نايس

ما اروعك استاذي نايف بن عوضه فذائقتك واختيارك دوما في المقدمة
نسأل الله يوفقك ويوفقنا ياغالي

ابنتي الغاليه 0
عندما افتقد حضورك انتي وبناتي بنات الساحات 0 اشك في نفسي لاني اكاد اشك فيكن وانتن مني 0 لمداخلاتكن 0 احساس بالقبول وانا ابحث عن اسعاد القلوب بحديث المشاعر تحياتي 00