الرأس ب200ريال؟

بغيت احج رحت مكتب حملة حجاج عشان احجز لقيت ذاك الهندي راسه يقطر زيت سلام صديق قال مرهباحجي قلت ماشاء الله حججتني قبل مااحجز قلت ابغى احجز للحج قال طيب حجي نفر (8000) ريال قلت يامسلم (8000) ريال يعني انا والكهله وبنتين ب(32000) ريال اربع ليالي يعني الليله ب(2000) ريال والله لو انكم بتحجزون لنا في فندق خمسه نجوم وتاج ومقص قال حجي هذا سعر شركه يبغي يحج ادفع خرجت ضايق خلقي لقيت صاحب لي قال وشبك مخنفر قلت بغيت احج قالوا النفر ب(8000ريال) قال يالطيف طيب عندي لك حل قلت وشهو قال اش رايك من (8000) ريال الى (800) ريال قلت كيف قال الرأس ب(200)ريال سياره تشلك الى اول عرفه تهريب قلت تهريب قال وبدون تصريح قلت يعني نبدأ الحج برشوه قال اجل ادفع (8000) ريال قلت ماعندي قال اجل انت منت مستطيع ولاعليك حج قلت الا مستطيع لكن هم خلوني ماني مستطيع قال بكيفك فكر ولا قررت رد مني رجعت البيت دعيت الكهله قالت هاه بشر حجزت قلت لا ادعي جمعان ولدنا قالت ليش قلت باوصيه جاء جمعان هاه يابه قلت اسمع ياجمعان وانا ابوك انا باوصيك قال هوه بتموت يابه قلت الله العالم اسمع لاخلصت المتوسطه وانا ابوك وقبلوك بالثانويه ونجحت في قياس والتحصيلي ونجحت بالثانويه وقبلوك بالجامعه وتخرجت ونجحت في اختبار القدرات والتحصيلي وقبلوك بالماجستر ونجحت في اختبار القدرات والتحصيلي وقبلوك بالدكتوراه ونجحت في اختبار القدرات والتحصيلي وقدمت على حافز وعينوك بعد عمر طويل وتوظفت واستلمت راتب حج عنا انا وامك وانا ابوك تكفى قال طيب واخواتي قلت يحججونهم سفانهم لاتزوجوا قال طيب يابه ما اعمر ولا اشتري سياره ولا اتزوج قلت البيت هذا يسدك والسياره نحا الونيت هنياك والزواج لاحجيت عنا تزوج وانت وزوجتك يحجون عنكم سفانكم لاجالك ولد وصه وهو بعد في الابتدائي يحج عنكم انا صح والا غلط؟

منقول من مقالات (السيد غلط) موقع ومنتديات العقشان

 

 

الله عليك ياسيد صح اسف غلط حطيتها في راس الولد الا على طاري الحج و8000ريال كيف يحسبونها انا حسبتها من البدايه اتوبيس مكيف وفخم النفر 1000ريال رايح جاي وشرب و اكل 4 ايام 500ريال طبعا اكل مطاعم 5 نجوم يبقى الخيمه والفراش طراحه ومخده 1000على حساب 250لليله طلعت معي 2500 ريال وبحساب 5نجوم وكيف حسبوها 8000 ريال الشرهه ماهي عليهم ياسيد غلط الغلط على من اعطاهم تصاريح وخلاهم يحلقون في خلق الله قبل الحلق او يوصي من يحج عنه ووصيتي له يختار الله ويحج نفاري بدون كهلته والعيال وياخذ معه 500ريال وتحيه لمن خارج الحدود ولا اوصيك على سيد غلط حتى يمشي صح

 

 

العقشان أصحابي وأحبابي وزملائي وأصدقائي 0 وأنا أقراء ما كتبت تذكرت عثمان بن شدق رحمه وهو يروي قصص وقصا يد الماضي وتذكرت سعد بن عباس وحسن بن جربوع رحمهما الله وهم يتهكمون على واقع الحياة لا عادوا يتهرجون 0 أما الحج وبابته 0 فكم حججنا مكرمين ومرفهين ويلاش عن طريق العمل وضرورة تواجدي فيه 0 لكن كهلتي تقل هذا ما هوب حج ما فيه تعب ولا مشقه هذي تمشيه 0 قلت واش تبغين 0 قالت ابغي أحج برجولي لان الحج المشقة قلت ما تقدرين قال ما لك شغل 0 قلت ابشري وحجزت مع حمله ممتازة ومشهورة لأني ادري بنهاية المطاف 0 وقلت لهم باجيكم في منى وخلو مكاني وكهلتي في السيارة فاضي لأنني قد أقابلكم في الطريق وتشتلوننا معكم وكما توقعت نزلنا السواق إلى عرفه وقضينا اليوم 0 تحت لهيب الشمس من فوقنا ومن تحتنا إلى المغرب وتحركنا لمزدلفة 0 ولا هي بالطوال 0 بنشرت كفرات ألكهله وضاعت بعاسيسها وإذا بها تفغر وتبصم 0 وصنفت أخليها مكانها ولكني تعودت الجميلة وخفت الشرهة 0 واتصلت على الحملة قالوا أتوبيسكم تحرك ومكانكم شاغر واعترضناه وسلم الله 0 الحج 0 كان مشقه ولكن كان في الناس جهد 0 وألان مشقه وتكلفه وكان الله في عون الناس 0 وينطبق على الناس المثل 0 لا 0 أرحمك ولا اخلي رحمة الله تجيك 0 سردك 0 واقع ولذي وكان الله في عون من عنده عيال تحياتي 00

 

 

.

*****

في السابق والآن الحاج من جارج المملكة يتحمل الكثير من التكاليف ولا يحصل على ما يتمنى بسبب جشع المطوفين ونحن في المملكة كنا في غنى عن هذا الحال ولكن واجبات الدولة تجاه الحجاج من خارج المملكة فرضت الواقع الحالي واصبح الحج من الداخل بتصريح وعن طريق حملة واصبحت (سياحة دينية)

بعض المواطنين والمقيمين يحج كل عام والفرض حجة واحدة فقط لمن استطاع

عليك يا سيد غلط أن تحج مع كهلتك هذا العام السفان بعد يمديهم إن شاء الله

لك أخي الكريم من خارج الحدود كل الشكر والتقدير

*****

 

 

اخي من خارج الحدود :
بارك الله في جهودك وجهود صاحبك السيد صح وفي منتدى العقشان ورجاله الافاضل .
وحملات الحج اصبحت نوع من التعجيز رغم اهميتها ، واتمنى لو يكن هناك رقابة صارمة وتحديد اسعار من قبل الدولة للحد من جشع اصحاب الحملات .
شكرا لك اخي الحبيب وفقك الله ورعاك وتقبل خالص تحياتي وتقديري .

 

 

سؤال لوسافرت خارج اللملكة وحجيت من هناك مو ارخص من الهند مثلا اقتراح فقط يطرح للمناقشة والتصويت