معك التحيَّـه

معك التحيَّـه يا نسيـم الجنـوبِ = ضم بحنـانً ليَّـن العـود ثـلاَّب
بالهون ضمَّـه يا لطيـف الهبـوبِ = لا تزعج عيونٍ شكت طول الاهداب
تلقاه واقف بيـن هـاك الـدَّروبِ = في هضبةٍ ياما تناجى بهـا احبـاب
تراه مـن بـدَّ العـذارى لعـوبِ = يضحك مع ضحكه سروقٍ للألباب
في ضحكته لحن الغـرام الطَّـروبِ = في مسمعي لحنه على البعد ماغـاب
يشهد على ما اقول قلـبٍ تعـوبِ = قلبٍ غدا به سيد أهل نجـد نهَّـاب