عرض مشاركة واحدة
قديم 07-14-2010, 01:43 AM   رقم المشاركة : 7
معلومات العضو
عضو ذهبي
 
الصورة الرمزية ساهر الليل
 
إحصائية الترشيح

عدد النقاط : 21
ساهر الليل is on a distinguished road


 

ياليت الهاتف اللي جاب صوتك ما تجيه قطوع = يا ليتـك ما تفارقنـي ولا تـطـري توادعـنـي
أبيك تسلي الخاطر وأسلـي قلبـي المفجـوع = بعد فرقاك يـوم إن الليالـي منـك تقطعنـي
لو إنك شفتني بعدك وانا عينـي تهـل دمـوع = لو إنك شفتني يوم الفـراق الصعـب يفجعنـي
ترى حالي بعد فرقاك حال التايـه الموجـوع = غريب في ديـارك والـدواء ما عـاد ينفعنـي
ولا ينفعني إلا شوفتـك او صوتـك المسموع = بعـد ماضاقـت الدنيـا بوجهـي لاتلوعنـي
أبا أسمعك صوتي وإنت كلمني بكـل أسبـوع = أمانه كل راس أسبـوع صوتـك لا يقاطعنـي
تشوف الأرض لاجاها الحيا واستبشرت برجوع = تراني مثلها صوتـك علـى الدنيـا يرجعني
تجي مثل الحيا وسط الصحاري والحيا متبـوع = يبل القاع وإنـت تبـل ريقي بـس تمنعنـي
وترى مافيه عيب إني عشقتك والهوى مشروع = لو إني خابر إنك منت حولـي بـس تسمعنـي
أنا لاغاب صوتك صرت من كل البشر مقطوع = ماشوف إلا انت مخلوقٍ على الدنيـا يمتعنـي
متاعي في حياتي والرجا في شوفتك ممنوع = عسـى ربـي يمتعنـي بصبـرٍ ما يضيعـني
أحبك والمحبه تختلـف ما بيـن نـوع ونـوع = وحبك نوعه النـوع الشديـد اللـي يروعنـي
أحبك بالمسامع والمشاعر والضمـا والجـوع = وبكل احساس صدقٍ بالمحبـه فيـك يجمعنـي
واصعب من صعوبة حبة الرجال راس الكـوع = وانا ياما نهيـت القلـب عنـك ولا يطاوعنـي
تغيب وتتبعك دقات قلبي بين غصـب وطـوع = وانا مابين بعـد وقـرب ويـن الله موزعني
أكيد انك بعيد ولا يبي لـه بحـث هالموضوع = لكن القلب لامنـه سمـع صوتـك يشجعني
يشجعني على التفكير فيك ويجـري الينبـوع = مثل مجرى العروق بدمها والشـوق يدفعني

 

 

   

رد مع اقتباس