البدع
ذكر الذي بالذهب واللول والماس معني
عليه سلّم وصلى الله رفيع المقادير
بين الملا لاتكلم يسمعون ونصاتى
وفى المدينه إلى صنعا له الذكر ياتي
اسمه محمد وبالقاسم مع احمد وطه
الرد
وصيت ولدي ولكنّه يقل ماسمعني
وراح عنّي وزادت سمّعته المقادير
ويوم شاف العدو يضحك تذكر وصاتي
لكن وش عاد تنفعني به الذكرياتي
والنار ماتحرق إلا بالقدم من يطاها
البدع( دغسان )
علي يقول احسن الفيدات فيواد العلي
خصوص لا كان ستر الله على خلقه ضيوف
وإن كان ويلا فلسطين الشبا دار الجبل
وكل مسلم يقاتل لاتقل حنّان روح
وكم يهودي على القالات ما الروع اندنا
الرد( بن خماش)
قال أبن خماش راس الجود في وادي العلي
والشرحه والفرحه في هذي الليالي ياضيوف
انحن قضينا لوازمنا مع دار الجبل
وجيت فالح بربعي عازماٌ حنّا نروح
وابوا علينا وكلاٌ قال مروا عندنا
البدع ( بن خماش)
ياشهر في ليلة النص كل ماله ينجلي
يسرون به البدو فا المشرق على همتان شوف
وإلا توسط يضلّي كلما له يبتهل
ماهوب نجم الثريا ذاك ماهلا مزوح
وإلى بدا سهيل ضلّى له مع الوجدا دنا
الرد( دغسان)
يامرحبا عد نهلاٌ بات نضحه ينجلي
ماهوب كما الوقر ماهلا على همتا نشوف
وعد الأوكان لاعادت غزيره يبتهلّ
ماعدبي العيش مابي إلا النزاهه والمزوح
مادمت تنسب تقول إنتم هلي واجدادنا
البدع(دغسان)
اهلين ياشاعراٌ وابوه شاعر وجد
ولد الغبيشي لقيته في قرايا قرى
في منزل اهل الكرم والجودة احمد بهم
ورحبوا بي وبه وبناس ما ابني عويف
وقدّم البر والسمن المضيمر معه
والبن والهيل ودلالاُ يجنّا بها
الرد ( الغبيشي)
أهلين ياقدم قيفاٌ لادعي ينوجد
ياعالماٌ في كتاب الله قرايا قرى
يوم العدو مايقل بدت أنت يارايهم
يني المحاجي وغيره ما بيبني عويف
وعظام ذاع الطوارف لو مضي مربعه
لاغطرفت جنّ في ريده وجنّ أبها
البدع(دغسان)
يالله على بابك امسينا وصبّحنا
يابن حسن مالقينا مثلك إنساني
وإن شا الله أعودكم وأنتم على جبرى
فعل المطاليق ذا تحمي بواديها
ياهل المعاميل فاالمنزل ورسلاني
إلى أقبل الخطر ينزق من تراحيبه
نعم المطاليق والأيمان مجراها
الرد ( محمد المالحي)
ياقدمنا لا تعادينا وصبحنا
يوم الدني راح متضيوق وكنساني
هذاك ما يعرف إلا للعلاج إبرى
مايتلقى العقايب في بواديها
لوكان نرسل عليه الفين رسلاني
إلى ابصر الحرب في عمره ترى حيبه
مايعرف المقديه ويسد مجراها
البدع ( ابن خماش)
يا مرحبا يا علي دغسان بك وأنسى بنا
أهلا بذا جاهلاً وعويداً وإلا شباب
لك الله إنا نحبك وأنت من عز الوفود
أربع لوازم تقدّم شانها ومن أولي
الرد ( دغسان)
لك البقا يا لذي ماينكدر ونسابنا
يا قدم من يتلقى حن يليح اللأش باب
بني حسن ذا تحصل فيهم المكسب وفود
والحض عند الثريا مرتفع ومنولي
البدع( دغسان)
علي يقل يابن خماش إقتبل تاجي هنا
التجر يبغا لها بالرابعة والمد حساب
ولا تدور معادين الذهب من كمح سود
هيا نسافر على بارق وصبيان ألعلي
الرد ( بن خماش)
يا مرحبا يا لذي ماهقيت بك تاجي هنا
يا راس غامد ولا خلوا كثير المدح ساب
واليوم تبدي اللوازم ما ظهر منكم حسود
ماحد يقيم المذاهب مثل صبيان العلي
البدع ( بن خماش)
أنا بغيت أعتبي للصيد ومن أصيب أنا
لكن حطوا علينا حض صوتأ واشغياب
والصيد ماجا به اللي قايماً واللي قعود
أعود أقول ذا متشيغلاً لايشغلي
الرد ( دغسان)
أحب عز القبايل ياب ومنا صيبنا
ما قول مدري من الحضار معنا وش غياب
والوص يا ولد بن خماش مايغدي قعود
القرم يغليه فعله ما صبح اللأيش غلي
البدع( دغسان)
سلام الله على سيل هبا في راش دمج امعان
وإلى حوزة ال سكران ينقل في مداريها
الرد( دغسان)
وياليتك تخيل دولتك ياراشد امجمعان
ترى عبد المجيد اليوم ماهلا يداريها
البدع ( ملاسي)
عسى موتر خميس امشيط يقصر ما تودى أبها
ولا يشرف على مكه ورود الحج والأيماني
الرد ( دغسان)
ترى صفة زمان اليوم ماتقدر تودّبها
تحجوا عا الحقيقة حجوا الأيمان
الرد( دغسان)
يقل دغسان روحي تاعبه من سمع اقاربها
بغينا البوم يتكلم ولن البوم شيطان
الرد( دغسان)
تالحنشان تصبح ميته من سم عقاربها
وانا احسبها رميت رمية من بو مشيطاني
البدع( دغسان)
حجار البيت ياربي تساعد من يقربها
الين أنه بنى ذا القصر الأخضر والنيفلاني
الرد( دغسان)
حليل اللي يسوى مخطيه واصبح يقرّ بها
يدنق لايقل ياسين سينا وإني فلاني
البدع
يالله ساعدنا ونخرج من الدنيا نضاف
مايسرك كثرة المال وأصناف القروش
ماعد إلا أطرد وكلاً يقل ميدي الحق الحق
والمصايب تلكم أهل الطرب وش لكمنه
الرد
يوم ماعد نتصدق ولا عدنا نضاف
باحت الفيدة والأجر انقرش عنّا قروش
هم زاد الظلم والزيف غطًا عالحق الحق
والذي مظلوم كلاً يقل وش لك منه
البدع
يا رحلة الخير يا ذا رجعت لي شبابي
قالوا لي الزملا هيا بنا عدً لابها
وقيلوا ف أدمه وأمسوا بوادي تنومه
ضيفه وكيفه وبسطه والصداقة أيدوها
بعدي عليهم رضا ربي مع ستر دامي
الرد
إذا تفكرت في ذا مات كنً الشبان بي
وذا تعلّم طبيعة كيف يتعدّل بها
كيف إن عيني مع هذي البوادي تنومه
ليت إنهم خلق ربّي بالصدا قيدوها
لكن حطوا عليها ما البطر ست ردامي
البدع
يا صيرفي لا تجهل البنس والدولار
خلك نبيه وعالج المنعوج والقار
وكل بادي لا بدى حطّ له معيار
وإبليس لا زهّا لك ادر إنه أبو مرة
أمس العنه وقت العشا وأصبح العنه
الرد
الله يبارك فيك يا عودنا الهدّار
خالد ملكنا هو ويا خوانه الأخيار
ارهوا مطالب شعبهم والعطا مدرار
وحكمهم محبوب مالي بغيره مرة
ذا ما يودّك غير بالغصب حل عنه
البدع
يقول دغسان ما يعجبني الوقت كله
إن جيت باجلى مع النذلان تأبى الرجولة
وإن جيت باد ور الأخيار أنا فين أجدهم
فأعود امشي غريب الدار وأنا ما أهلها
وأحتار فكري وزاد الهم والحزن حانا
وموتي أظن ياهلي خير لي من حياتي
الرد
ما واحد إلا يحب الناصرية تكن له
علّه يسيّر ويأخذ له في البر جولة
لكن سكان نجد هم الذي في نجدهم
مابينولي رجل عالخزنه ما نامن لها
لوكان يعلن يقل فالتهم والحز نحانا
ما يرمي الرشد واحد مله المنح ياتي
البدع
حي الله سيلاً ذكر من علم واعي وعرقوب
يشتل مال البدو ويقلع السدر لاجا ش
ولا حدر ينتقل نخل التمر حق رنيه
كلاً يقل ليش يا سيل الضحى خذت مالي
يدمر ولكن يجعل ديرة الفيض حية
الرد
يقول دغسان غرّتنا مواعيد عرقوب
يقول جتك الغنايم مقبلاتاً ولا جاش
ليته يكن حال ما أوعدني ولا حقرنيه
ولابنرضى عن الكذاب لو ختما لي
الله يصيبه بدال الستر بالفيضحية
البدع
كم درسنا في القصايد وملينا الدروس
وكم اسمعنا القياما وسمعنا الجلوس
مرة نصنع جنيهات ومراراً فلوس
يارفيدي وشترى لو نبطل ماالدراسه
ننتسم في البيت واهي حياتك مدرسه
الرد
تنشر البيضا لكم يابو خالد مد روس
همكم ما لجمل ماهمكم كثر الفلوس
لو يكن يطلبكم الشخص في عز النفوس
والجمايل ما تجي كل واحد مد راسه
ما تجي الا من يوزن كلامه وكيل المدرسه
البدع ( طويش)
قال أبن صالح علي ياسين يا عمري بلي
فيما تقدم وأنا في وردتي وارد ولد
نغدي وناجي مع الصبيان وأسعى وانتزي
والليل عندي سوى لا سرت كله والنهار
واليوم كود إني أزوع القدم وادهشرا
الرد ( دغسان)
اليوم يظهر من الصدقان يا عم ريب لي
وذاك ذا كان يرقب بدوتي يدرق ولدّ
أنا توكدت هذا العلم منهم وأنت زي
بعد المودة بدوني بالجفوة والنهار
من ودّه يبيع صدقانه ومن ودّه شرى
البدع
عام الاول خذت لي ثور احمر من حلي
انتجت به عين عنه وليته ما غلي
ووصلت البيت لنه بطول وجحدلي
ابغي اربيه واثر الخطل ماسد مارب
كلما جيت ابغي اسوق به واديس ابى
الرد
يا احمد بن صالح جعل ربنا حظك علي
وانت والله انك لنا ذخر في وادي العلي
انت واخوانك نجاة الضعيف الى بلي
ما يخلي الجم يترايع الا سد مارب
يوم سواه المهندس نفع وادي سبا
قصيدة بمناسبة زواج بن غدران
البدع
ناس مر بهم شقاوه ومر بناس عيد
والمنيه ما تجامل مع عمر وزيد
قد حددها ربنا بين مسووداً وسيد
مهما طال العمر ماقد حصل ماالموت ذمه
لو يجي بترف زواجه وترف عقيمته
الرد
الله يصرف عنك الحوادث ياسعيد
وانشا الله في كل يوم ترى مالم يزيد
والغني يشكر اذا قدم الفعل الحميد
والذي يستاهل المدح ما تقدر تذمه
حق لك ترفع مقامه وترفع قيمته
البدع
ياسلامي على الدارين واللابه
والذي للتقى والدين طلابه
والشرف يرغبونه هو ومن جابه
خص لا سافر الواحد وطلع امره
جابوا الجامعه هي والدكتراها
الرد
يوم جينا لابو عبدالله حزابه
التقانا السعد في طرف الغابه
والخبر صاح فينا والفرح جابه
ابن غدران ياربي تطل عمره
كم مشاريع عنده ودك تراها
البدع
يارب تحمينا من العوق والقلوب
وانحن سعوديين ما بيننا جنوب
والدوله جنبت العنا والتعب جنوب
تنشي لنا المصنع وهي تدعمه وتديره
ومزارع تسعى لتوفير جالها
الرد
حي الله شيخاناً بهم تامن القلوب
ايضا بهم تدفا وتتلبس الجنوب
ماشي كماهم في شمال وفي جنوب
الصقر شلو روسنا في السفر والديره
اسره وياربي تزد في رجالهم
البدع
الله كم ذقنا على مدة الجمال
وكم خدمنا الحال والمال والحلال
والزاد لاجا ما ندور معه بلال
والحب نقضم فيه واللثه بلا دروما
عمنا بحور وابن غدران عمها
الرد
سعيد له حظ في الجود والجمال
وانشا الله ان تجارته كلها حلال
اعطاه ذا اعطى الدين ياسر مع بلال
في المانيا وبلاد باريس وبلاد روما
كم شركات وابن غدران عمها