النور 222
اعجبتني القصيدة وحبيت اجاريها مع العذر على القصور
نبغي نقاطع مير وين الإراده
وين الذي يشفيك ما يقفي إدبار
لازم نواجه لين حد الإباده
الله خلق والله قسم كل الاقدار
الي مقاطع لو صمل باعتداده
ماههمه الاسفار لو طال مشوار
لازاد همٍ واحتكم بالشتداده
الله بيفرجها وتزدان الخبار
والتاجر الي قد تمادى بعناده
حنا سبب رزقه وفي عينه صغار
مادام حقق فوق ربحه إفاده
ماهوب سائل عنك لو كيف ما سار
له بالوزاره من يداري وداده
مسخّره حامي لتاجر وغدار
ياشيخ لايشغلك هم الزياده
عش في سعاده واطلب الله يختار
الله خلق والله يدبر عباده
والله غني عن منةٍ بعدها إعسار
اطلب من الله واحتسب بالعباده
والجأ اليه بين العلاني والاسرار
انه يسهل لمرنا ماأراده
وانه يبدل دارنا خير من دار
دار بها تخلد ونهنى السعاده
والي تخير دار دنيا له بوار