الكذب خيبة ويجلب على صاحبه الويلات ..
وكذبة أبريل ما هي إلا تقليد أعمى وأصبح البعض يعتبرها مزحة وهي والله تنقص من حق قائله ويحتقر من المجتمع ..
يقول الشاعر أبو رزق ضمن قصيدة له
والكذب ما يرفع الكذاب يغديـه سلطـان
ما أقبح من الكذب لا قالوا فلان ابتدى به
ويقول الشاعر فلاح بن مبخوت ضمن قصيدة له
والكذب ما حبـه ولا فيـه تحليـل
ياخنز ريحـه والوصايـف قبيحة
لونـه سـوادٍ مجهـمٍ كنـه الليـل
وأجمل وصوفه سرعته في مطيحه
ما تلقطه مرات لـو جبـت دربيـل
لكن تحرّص يـوم تسمـع فحيحـه
حبلـه قصيـر وقطّعتـه المقابيـل
هراجـة المقفـي تعـدّه ذبيـحـه
مسيلمة وإبليس والقـال والقيـل
ذولا معازيمـه وياهـي فضيحـه
جنب عن الكـذاب ما فيـه تبجيـل
لا حـللـه ربي ولا الله يبـيـحـه