تدرون يالربع إعلامنا في بلدنا كما اللي ينقع الزير في العرضه ينقع اعجبته القصيده وإلا ما اعجبته هيله القصيده وإلا ماهي هيله الشاعر شاعر وإلا شحاذ ينقع
والمسؤلين عندنا كما اصحاب القنوات الشعبيه اللي يصورون العرضات العرضه هيله ماهي هيله يصورونها الدراهم عادت فالجيب وعساها ما اعجبت حد
قطار المشاعر تعطل في الحج ومسولينا يقلون التصعيد تم في وقت قياسي من شاف القطار وسمع عن الميزانيه عرف الهرجه قطارنا كنه قطار الملاهي لاهبيت فيه قروش اشتغل
ياناس قطار مايشتغل إلا اربعه ايام فالسنه ويتعطل يعني 361يوم صيانه و4أيام عمل ماعليه شرهه يتعطل من قلة الحركه لويقعد واحد منا اسبوع مايتحرك تعقلت ركبه
كان اشتروا لكل حاجي اسكوتر حقت السفان هذي اللي يزحلقون عليها ماكانت اوفر واسرع
قالوا بيشكلون لجنه للتحقيق في تعطل القطار الله يستر لا مايشتغل القطار السنه الجايه مره وحده عشان اللجنه مابعد استاجرت لها محل تنعقد فيه واخاف تكلفة ايجار مقر اللجنه تكون اكثرمن تكلفة إصلاح القطار ويقعدون بها الحجاج لكن اوصيكم اللي بيحج السنه الجايه ياخذ له كنادر بكفرات بس ينتبه من ساهر انا صح وإلا غلط؟
منقول من مقالات الكاتب الساخرالسيدغلط موقع ومنتديات العقشان