.
*****
من عيون الشعر قصيدة
أنا ما هقيت يسوى الوقت ما سواه
للشاعر عامر ابن حمد ابن نوطان المري "رحمه الله"
ولد في يبرين و توفى في الأحساء سنة 1998م
أنا ما هقيت يسوى الوقت ما سواه = وخان الزمان وعادة الوقت خواني
ويا حي من هذي دياره وذا مرباه = ذوارى هبوب النود من فوقها باني
أنا يوم شفت البيت متهدم مبناه = تذكرت زول كان في البيت سكاني
أنادى عليه وساقي العين جارى ماه = وأنا عارف إني لو تحريت ما جانى
ولا شك من قل الجدال يتيم أبكاه = وهو ماستطعت اليوم به قدر الإمكاني
ظلمني الزمان الى جبرني على فرقاه = صواديف بقعا شرها ما تعداني
صدوف الزمان وطول صبر لحقت أقصاه = حدتني على مبدا الطويله مسياني
أنا قد بغيت اوقف الرجل عن مبداه = ولكن شفت الموت مازيد خلاني
الى جيت عد ٍقد نزل ماه ولا جاه = تسابق دموعي واظهرت خافي احزاني
أنا كيف أبدله واطمع ان خاطري يساه= وأنا كل ما مريت مدهاله ابكاني
الا جات به الاخبار والا احدٍ اطراه = ما عاد اتسمع صوت من زيد حاكاني
أعيش بخياله واتنادم مع ذكراه = ويدوى بي الهوجاس في عالم ثاني
يغيم سماي الا تواجهت انا وياه = وحتى الحكي ماعاد ينطق به لساني
قضى العمر كله عادني في رجا لاماه = وطال الرجا والياس قام يتحداني
هو الى تتوق النفس لمشاهده وحكاه = ولا جا بقلبي عنه سجة ونسياني
*****