امتحنتنا الكهله الا نسوي ملكه للبنت كبيره قلت يامره خلينا على قد حالنا فنجال قهوه ونجيب المعرس والمملك واثنين شهود وكان الله بالسر عليم قالت هوه بنتي ناقصه والله لنسوي لها ملكه كما بنات الناس قلت امرنا لله امتحنونا الناس ولازم نقلدهم هيا هات طلباتك قالت نبغى تحجز لنا قصر نسوي فيه الملكه قلت بنسويها فالحوش والنسوان فالبيت قالت معصي قلت طيب غيره قالت نبغى دجه قلت وش الدجه قالت ذاك اللي يجيبونه في الزواجات ام سماعات كبار قلت ديجيه قالت اها قلت ويش قالت ووحده تغني قلت منين قالت ماكثر الله الا العبيد اندر الى العقيق وتلقاهم قلت طيب قالت ونبغى بتفور قلت منهو ذه خواجه نجيبه بين النسوان قالت لا ذاك اللي ياكلونه مع القهوه النسوان قلت بيتيفور قالت اها قلت بنجيب من البقاله مكسرات قالت لا مالطائف من مذاق الملكه قلت بكم قالت الصحن ب50ريال قلت وكم صحن قالت خمسين قلت ياصرم حالي طيب وغيره قالت هدايا للنسوان والسفان والشغالات وام حسن قلت منهي ام حسن قالت اللي تفتش النسوان لايدخلون بجوالات ام صور قلت تستاهل ام حسن المهم طلبات لاتعد ولاتحصى قالت والعشاء توله انت 20 خروف مفطح وادع الجماعه كلهم والعريس يجيب جماعته قلت هذا زواج والا ملكه قالت لاملكه كما الناس قلت عزالله الناس ودونا في داهيه آه ياجيبي جبنا الاغراض وكلفت فوق 40 الف بمافيها العشاء والقصر والهدايا وكسوة الشاعرات وهدية ام حسن قلت اقولك شي قالت هاه قلت ماودك لاتعشو الناس نسوي شي ماحد قد سواه قالت شنهو قلت نقل للعريس خلاص هذا زواج وملكه خذ عروسك والله يسهلك ونوفر على المسكين تكاليف الزواج ونريح بنتنا وزوجها قالت زجوك في مقلّع هوه بنتنا ناقصه يوم نرسلها معه تلايا الليل كنها مسويه شي قلت يابنت الحلال الجماعه وحظروا وجماعة العريس وحظروا ليه المصاريف قالت والله لن سويتها ماروح معك واني لاروح من القصر عند اهلي قلت اهلك قد ماتوا كلهم ماعد الا عيال عمك والله ليطردونك قالت اقل لاتاهب لنا فتنه خله يتكلف كما تكلفنا عساه مايقوم قلت عزالله ماغدى بالرجال الا الحريم انا صح والا غلط؟