.
*****
حيا الله أبا علي
الأستاذ احمد بن قسقس
شكراً على تواجدك ومتابعتك الدائمة وإن شاء الله يتم جمع كل قصائد المسحباني وخاصة القديم ونتمنى أن يكون ذلك في القريب
التالي مجموعة من القصائد على طرق اللعب الشهري نقلتها من منتديات بني بكر ولم استدل على من قالها
البدع /
وش بقى من تمنى ياعرب من ليت من ليت
الله اعلم متى ياجي لنا من ليت منها
الرد/
لاتجيبون لي طاري الهوى مليت مليت
الهوى والوعود الكاذبه مليت منها
البدع/
ماصدق ذا يقول التمر كله تمربيشه
الله محلاك ياتمر المدينه ذا قطعنا
الرد/
كل ماعاد لي همي زفرت وتم ربيشه
وتلوى كما الملقوص واللي ذاق طعنا
البدع/
يالدوا لاترد الطير خفاق الجناحين
فأن قلبي بمخلابه وروحي في جناحه
الرد/
لو سكنا الفنادق والسرايا والجناحين
قلبك الفندق اللي ماسكنا في جناحه
البدع/
ماكرهت الجنوب ولا على ريع البلس باب
فأن حتى نجوم العرش قايدها جنوبي
الرد/
صاحبي شب نار الهجرفي قلبي بلا سباب
نظرة الزين شبة من وقايدها جنوبي
البدع/
اثرماي البحر ياصاحبي ماعاد ينشاف
وش به اليوم يجفاني وانا قدام اعينه
الرد/
لايقول الدوا لي صاحبن ماعاد ينشاف
فأنه لو طاعني ماغبت من قدام عينه
البدع/
ياابيض اللون ثوب العرس ماكان ابيض اللون
واغسلته الدموع الحارقه وابيض منها
الرد/
اثرهم تاهو العشاق بعدك وبيضلون
واثر ماواحدن غامر بروحه ماضمنها
البدع/
حادي العيس مات من الضما والدر سايل
واصبحت حالت قشرى وقصه دراميه
الرد/
ياهوى البال مايلام من ودى الرسايل
كان بيني وبينك سر واللي درى ميه
البدع/
والله ماودنا نشتم بعضنا وانتغايب
وان بدى الجور ينفض الصخر من وقع دمعي
الرد/
يامن اشقيتني كيف اتبسم وانت غايب
انت كل ابتساماتي تعاله واقعد معي
البدع/
ودي اروح من صعبان كيف انجى بروحي
قبل مايحكم القاضي لعدواني بقتلي
الرد/
ضاقت الدنيا بعيني بعد ماكانت بروحي
راح عني ظريف الطول وهمومي بقتلي
البدع/
ياسلامي عدد ماسارت اقدامي وحنيت
وعدد ماشكينا من زمانن ذابحنا
الرد/
ياابيض اللون ماخضبت في كفك وحنيت
هذا هذا دم العشاق ما هذا بحنا
البدع/
عمموا في المراكز كل ابوها والنيابات
عن عصابات حلت في البلاد وهيبتنا
الرد/
زاعبي قدمي عند البنيه واني ابات
والله ماهو بقصدي لين قالت هي بتنا
البدع/
شاقني راكز النهدين وخدود مناصيح
كل ماجيت ساري في الضلام اضاح منها
الرد/
وش بها تجفل الغزلان قدامي وانا اصيح
ماقدرت امسك الابيض ولا الوضاح منها
البدع/
ليتني ياوليفي ساكنن برضاك برضاك
تحت ظل الغصون اللي بدمي مروينها
الرد/
مانت مجبور ياعذب اللمى برضاك برضاك
واحدن في جمالك كيف مايامر وينها
البدع/
وقف الجمس وثر المشكله رمان رمان
واناشفت المهندس ركب الرمان بيده
الرد/
شاقني بونهودن كنها رمان رمان
بارزه فوق صدره كنها رمان بيده
البدع/
ياوليف الرضا كم لي وانا ادورك هارب
ليه يابو جبينن مثل نور الشمس لا لا
الرد/
تحت نور القمر والشمس مادور كهارب
تنطفي الكهربه واما القمر والشمس لا لا
البدع/
حث ياقدميه في المسير اعلى تنومه
ديرتن حلها المزيون يحلى ذوق ماها
الرد/
ياوليف الرضا لك صاحبن كدرت نومه
لاتغمض عيونك ما خلق ربي كماها
البدع/
عاشت اثرب تربي مرجله وحيا تربي
شفت فيها محاريز النمر والنيسب بها
الرد/
يالدواء مااستحقيت الجفاء وحياة ربي
اني انا مداوي علتك واني سببها
البدع/
ليت عينك ترى الزراع لاصارو محبين
يحصدون الثمر ويوسرونه وسر حبكي
الرد/
ماتريحت من فرقاك ياسيد المحبين
اسهر الليل والى صبح الصبح اسرح ابكي
تحياتي وتقديري للجميع
*****