تعذر يالنسيم اللي مشاويره جنوبيه = ولامنك وصلت القنفذه انثر تحياتي
وصافح لي كفوف أرضٍ بها نبضات بحريه = وعانق حارتي تكفى عناقٍ يحمل آهاتي
وقبل ها لبيوت اللي ملامحها تهاميه = ولا منه طلع منها أحدهم زيد قبلاتي
وازرع ف الشوارع ذيك محبه زايده فيّه = ولا منّك وصلت لبيتنا سويلي الآتي
توّزع في جميع أركانه البيض الرخاميه = وقول أحلى الكلام الي سمعته بين لشفاتي
وبالغ في القبل قبّل تراب البيت والميّه = وصحي كل من في البيت معد باقي به سكاتي
تكلم صيح علمهم عن الشوق الذي فيّه = وأمانة حب إيد أمي وبلغها تحياتي
وسلّم في جبين ابوي وخذ قبله خصوصيه = الى سحر الغروب اللي أبد ما فارقت ذاتي
لا خواني وعيال أخواني وكل من له صله بيّه = سلامٍ ينتثر بارضٍ بها عشت اجمل أوقاتي
وتعذر عننا تكفى اذا أوجزت ما فيّه = لان اللي بنا بحرٍ وهذا بعض قطراتي
واخيراً في طريقك شيل معك رملة تهاميه = بها ريحة خطى أهلي وجيراني وصديقاتي
دخيلك يالنسيم اسرع وعجّل بالدوا ليّه = عسانا بعدها نرتاح أنا ويا أصغر اخواتي