رحم الله ذا الوجه
رجال في رجل اسمه دغسان
التاريخ 1374هـ
المكان الرياض
المجلس مجلس الامير فيصل بن سعد بن عبدالرحمن
الحضور شيوخ قبايل ورجالات نجد واعيان الرياض
والدي يرحمه الله يقدم الضيف دغسان ابوعالي للامير كاحد اقاربه وشاعر قبيلة بني ظبيان من غامد
الامير فيصل ( وكان حينها من كبار رجال الدوله ) يرحب بالضيف ويقربه منه
يتحدث دغسان بكلمات جميلة مرتبة فيها من العلم والحكمة والادارك والادب ( ادب الملوك)
فيصل بن سعد لوالدي : حمدان ابن عمك رجل ماهو سهل نبغاه في مجلسنا لين وقت السفر
الوالد سم طال عمرك وترى عنده شعر وقصص وعلوم رجال وعلوم قبايل
دغسان للامير انحن حظنا بحمدان عندكم يخدمنا ويخدم القبيلة
فيصل بن سعد : مايقصر ابو علي وحنا نكمل الناقص واللي مايقدر عليه نجيبه
دغسان يتناول العشاء بعد المغرب مباشرة على سماط الامير ويستاذن
فيصل لوالدي لاتخلي الرجال يبعد عنا
ابشر ....
لقاءنا باكر بحيل الله
سم طال عمرك
هذا جزء من تراث دغسان ...