لاتحسب اني داله عنك ساليك = لا والذي تنصى المخاليق بيته
لاشك حال الياس دون الرجا فيك = ولالي على المقسوم لو مارضيته
ان كان تغليني مثل ماني اغليك = مجبور تاطا بالهوى ماوطيته
ماشفت دمعة عيني اللي تراعيك = هلّت على المكتوب ساعة قريته
وان كان تنساني فلانيب ناسيك = الله لايقطع رجا بك رجيته

لاتحسبني دالهن عنك ناسيك = محدن ترى غيرك سكن في خفوقي
انا الذي من بدت الناس مغليك = يفداك قلب وعين ونبض العروقي
انكان جرحي من سبايب تغليك = مهما يطول البعد لشوفك شفوقي
مشتاق الومك وعاتبك ثم اراضيك = منك الجفاوالهجر لامايلوقي
ياسيدي ماضن خاب الرجاء فيك = انت الحياة وانت فرحي وشوقي
لو جابوا العذال اسمك وطاريك = مسمع ولو احي لوغدى الوقت عوقي