..... ألو سلام عليم

--- عليكم السلام

..... انت عبدالرحيم

--- نعم

..... كيف حالك انت طيب بشرني عن امك وعيالك وش حياتكم

--- الله يسلمك ويخليك والله كلهم بخير وعافيه والحمد لله

..... بشرني عنكم وكيف حال امك بشرني عنها

--- ابشرك الوالده بخير والحمد لله

..... فينها هي عندك والا فين

--- والله اليومين هذي عند أخي مسفر

..... وشبك ما عرفتني

--- لا والله ما بعد عرفتك

..... الله اكبر انا خالتك وشبك لك مده ماكلمتني

--- والله اني اعتذر منك لكن تراني ما عرفتك بعد

..... اقل انا خالتك والا نسيت والا اخاف انك تمزح وشبك

--- لا والله لكن والله ماعرفت صوتك

..... ها هيا انا خالتك فلانه كيف حال اهل الخرج وصلوا والا بعد متى سافروا

--- والله يا خاله فلانه اعتقد انك غلطانه تراني ولد فلانه بنت فلان

..... ايش وشتقل انت عبدالرحيم ؟ والا لا ؟

--- نعم انا عبدالرحيم ولد فلانه بنت فلان

..... صمتت المسكينه على التلفون بعض الوقت وجلست تتمتم ثم اغلقت الخط بعد زفره