الله من هـمِ بروحي سهجها =بأقصى ضميري في كنين الحشى لاج
أحر من نار توقد وهجها=منها خطر روحي على سلك ديباج
وعيني عسى المولى يعجل فرجها=يفوح ناظرها كما عين هداج
استرسلت بالدمع مما رهجها=غيض يكض اعبارها مثل الأمواج
كم واحد له غاية ماهرجها=يكنها لو هو للدنين محتاج
يخاف من عوجا طوال عوجها=هرجة قفى يركض بها كل هراج
يقضب عليك المخطية من حججها=حلو نباه وقلبه اسود من الصاج
الله خلق دنيا وساع فججها=عما يريب القلب لك كم منهاج
الرجل وان شطت لياليك سجها=عسى تواليها تبشر بالفراج