يارب انك تمسيهم وتصبحهم (بسم الله علينا) وتجعل كل اوقاتهم هناء وسعادة
العلم خير قولوا يالله في الخير..
حضرتم ورديتم وتداخلتم وشكرتم وما قصرتم والله يحييكم ماعندنا اغلى من هذي الوجيه السفرة الي مجالستها والحديث معها عز وشرف ... وش عندنا يالمتقاعدين شلة شيبان لا شغل ولا مشغلة ماخذينها سرداحي مرداحي كل يوم وهم في جبل والا شعب مرة مخيم ومرة شهرية ومرة رحلة قالوا منتدى الشيبان ياااازين الشيبان يقول المثل ما يعقلها الا شايب ...
اقول خلونا من هذي السوالف :
ابو سامي
حياك الله ولا تستعجل انت متعود على الدسم جرب هذي المرة الزيت
تراه دواء وخاصة لللبحة الي في صدرك وتذكرني بالخير
وبالمرة خل كرشك يخف شوي ..
شويل
ما اقول غير الله يسلمك من كل شر والحقيقة ودنا تشاركنا اذا بالامكان
والا عذرك مقبول ...
ويمكن تكون احدى الشهريات عندكم في الباحة
ونحولها وجبات سريعة همبرقر وماكدونالز وغيرها التغيير طيب .
صالح بن سعيد
عذرك غير مقبول ... غيرنا عشانك تشتكي من الدسم وتكرار المكان
لو ماحضرت ترانا بنصهدك في عقر دارك والمحرقة على الذمه الدُّوره لك هذي المرة
وانا انصحك ياعديلي تاخذها بوجهك وتجي وأهي فقه اسمع كلامي
والله الله في القشر جيب معك حلة قصدي كم ثلاجة سمعت انه دواء للكراعين .
انس العبادي
الله يسعدك ويجيبك ويقربك منا حتى نسعد بتواجدك
لكن خلنا في ساعة طيبة لا تحرض ابو رائد علينا وتنبش مواضيعة
احنا يالله نقدر نداريه .... شوفه يوم حققنا رغبته قام يقدم سورة الحشر
بيعتذر الاخ حقة الرجال الي قالوا له بنفرق من ريال قال نفرق من الف والا بطلنا
وهو لا عنده ريال ولا الف بس يبي يفركش الشغلة .
المهم شاكرين حضورك واهتمامك ومتابعتك واذا تبينا نرسلك سمكة قلنا عشان نقلم اسمك
ودمت بخير يالغالي .
سعيد راشد
وبعدين معاك .. صراحة عذرك مقبول لكن لا والف لا حاول وربنا يعينك
الليل ما يحلى الا بجلاسه والباقي عليك .
ابو ياسر
الله يحييك التغيير طيب واحنا قلنا بدل ماتاخذ حبوب زيت كبد الحوت بنعطيك الزيت طازة من البحر الى المعدة عسى ينفع مع كراعينك وتبطل طقطقة والزيت علاج لخشونة المفاصل ويمنع هشاشة العظام ويزودك بفيتامين d هاه وانت عارف وانا عارف والعارف ما يٌعرف وتذكر قصيدة ابو سامي في جبل نيرا ورد ابو حسن والحقوق محفوظة للجميع ..
ابو حســــن
هلا والله وعلى قولك : خوووووش فكرة ومن يدري يمكن مع الزيت تطلع المواهب بس ياسمي تعتقد احد يقدر يتبنانا ويتبنى افكارنا واختراعاتنا اذا طلعت وخاصة مع الصلعة وتعرضها للشمس وريحة الواحد مصنة من الزيت تجيك الافكار الليزرية اخاف جامعة ثول تقفل ابوابها اما المساكين الغلابة وتكتفي بعلي وعلي ويا حيك من علي ونسير احنا حجر عثرة نحرمهم من مقاعد الدراسة ...
تدري اذا تقابلنا ندرس الموضوع بروية وقبل ما نطلع افكارنا نصوغها في قالب من زيت كبد الحوت حتى لا تتأثر بالدسم..
وعلى فكرة يجب ان نحسب حساب طلاب الجامعة لا نحرمهم من مستقبلهم ونكون انانيين ..
المهمممممم لا احد يتأخر صلوا الصبح وغطوا اياديكم في الماء ولا تجف الا على شاطئ ثول بس لا تسرعون ساهر واقف لكم بالمرصاد .