يوميات البريهة ( 12 )
عقلزه محبوسه في الشرطه ( 2 )
لو شفتنا ياحباني يوم علمنا هدايه بحبس عقلزة بنت قحيقح كن البيت فيه معزاه
وانحن والله مانصخاها ضعيفة .
بعدين قال آبي بافلح آشوف قحيقح وانشده
قالن الكهلة كم لي ياحسكل وآنا اعلم فيك
عاد معاك ثرة جهلة وراسك كله شيب وابيته تتعلم ..
ماهلا تنازي وتطخخ بعمرك فوق الناس..
فين تغدي في تالجهمة وشيقلون الناس
يقلون ولد متعبه غزل ..هيا قر ولا تقوم منيه لين تشرق الشمس ونروح سوى ...
ويمكن ان هدايه كذابه جن تبغي تتفاول معنا ويوم خاصمتاها عودن تتنحوى بتالهروج.
وبعدين ياحباني أفلحنا كلنا والكهله قدامنا وشونها في ايدها
والشيبه يسابق ولا قرب منها تعقرنه بالشون وقالن من متى ياحسكل تمشي قدامي ..
ويوم وصلنا دقينا الباب ولا حد رد ودقينا الخلوف وتشاوعنا من البروج ولا ونه ولا طومري فالبيت ..
بعدين قالن الكهلة الله ياذليه لا يعمينا انتن ما تشوفون القفلة ثلاثة فوق الباب..
ومع الضوله خرجن هداية من بيت جارتنا أحلام
وهي تلجغ وفي ايد كراث وايد كسرة خرمان والحقينة تقطر من ثمها
وقالن ماحد هنية يقلون انهن راحوا مكة من قبل يومين.
واثر عقلزة حبسوها ثمه..
وانا نعود وقالن الكهلة ياحسكل انحن لازم نروح مكة وانا امك نوقف مع قحيقح
واهله في تالمحنة
وكن من فدغني بعطيف في وسط راسي
بيفلحون ويكبني عشان آنا عندي اختبار
ياحباني لا افلحوا أهلي وعلموني باعلمكم ليش حبسوا الضعيفه.
منقول ......
يتبع..........