عرض مشاركة واحدة
قديم 04-18-2013, 02:40 PM   رقم المشاركة : 1
قولوا لرعيان الغـنم لاينامون = اشوف بالمرعى مواطي ذيابه


 

يجب على الاباء والامهات مراقبة الابناء وخاصةٍ في ظل هذا التطور السريع في عالم الاتصالات والكمبيوتر.

قولوا لرعـيان الـغــنم لايـنـامون = اشـوف بالمرعى مواطي ذيـــابه

قولوا لهم خذوا الحذر لاتغـفـلون = كـم غـافـلٍ اصبـح حـلالـه نهـابـه

قولوا الـذيابه بالغـداري يغـيرون = والجوع ينسيها الخطر والمهابه

والذيب مايومن على مايـقـولـون = يغـرس بارقاب الفرايس انيـابــه

تلقون ضرب انيابها كنها طعـون = وجر المخالب مثل جـر الحـرابـه

اقـسم برب البيت ماني بمجـنــون = ولاني ردي الاصل ولاني زلابــه

اشـوف أشـياءٍ لـهـا ما تـشـفـون = تغيب عن بعض العـقـول النجابـه

اقول قـولي والخـلايـق يعـرفـون = خير الملا من قـبـلـنا قـد حكى به

لابــد مـايــومٍ إلى الله تـعـــودون = وكلٍ يبي يسأل عن اللي رعى بـه

اللي رعـوا بالشر للشر يجـنـون = واللي رعى بالخير يجـني ثـوابــه

 

 
























التوقيع

لا اله الا الله ماشاء الله تبارك الله احسن الخالقين

   

رد مع اقتباس