من اجمل القصائد التي قرأتها للشاعر: فيصل بن تركي
وسمعتها لحناً من فنان العرب محمد عبده

لا هي نار
ولا هي ماء
لاهي غيمة .. ولا ظما

ان حكت غنّت سنابل من رضا
والسكوت ان صار نيران الغضا

يارضاها وقف وناظر شوي
شف غلاها ايش سوى بقلب حي

كيف حي ولا لقاها
وان لقاها ما بقى في ايدينا شي
غير إنه يحتريها

آه من قلبي نصحته
بس عيّا ينتصح نبضه يبيها
آه منه ليه عزّم يترك الكون ويجيها

ما عرفت القا .. لهذا القلب حل
الجواب اقفا .. بظله وارتحل

ما بقى لي غير انتي ياغريبه
يا رحيل العمر فيني يا حبييه


سولفي للناس عني
قولي اني ما عرفت اختار من قلبي يحبه

سولفي للناس اني
ما عرفت اقرا وجوه الحاضرين من الاحبه

اعترف لك اني فعلا ما عرفتك
ما قدرت اوصل مع قلبي لحل وما فهمتك

تجمعين الضد في كل الامور
غامضة مرة .. ومرة مثل نور

تشبهين ايام اوقات الخريف
تمطرين احيان احساسك زهور

صدقيني صرت من بعدك اخاف
واعترف ان الخلاف واسع طريقه

واننا ما نلتقي في أي شي .. فينا اختلاف

للا سف هذي الحقيقة

يا رضاها وقف وناظر شوي
شف غلاها كيف سوى بشخص حي

كيف حي ولا لقاها
وان لقاها ما بقى في ايدينا شي

غير انه يحتريهــــــــــــــا