ردي للاخ الشاعر سعودي
تسلم والله يحييك نرجس والنقاش الهادف البناء هو شعارنا
مع احترامي للكل .. السنه الوحيده اللي تعرفون عنها كل شي هي سنة التعداد .. طيب وينكم عن هالحديث { يا معشر الشباب من استطاع منكم الباءة فليتزوج فإنه أغض للبصر وأحصن للفرج ، ومن لم يستطع فعليه بالصوم فإنه له وجاء }
يعني اللي عنده وحده وماعنده فلوس ويبغى يستمتع بالحلال !!!
ما فيه الصيام برضه امر فيه الرسول
يعني ليه تظلم زوجتك واولادك؟؟!
وتظلم نفسك لو ماعدلت ؟!!
كل ماذكرته صحيح ولكن لماذا الانانيه اذا كان الشرع يحلل زواج المسيار على ذمة المفتى وربما لا سباب ممكن اجسدها لك في نقاط
1- خوات عوانس وصل عمرهن 45 سنه كان رضي بادنى زواج شرعي تتوفر فيه
الشروط
2- اخت او ام مطلقة او ارملة وبزارينه وراها تبي اللي يسترها ويشبع رغبتها لو مرة
بالشهر عن الحرام كان رضي بادنى زواج شرعي تتوفر فيه الشروط
3- اخت او بنت فيها عيب خلقي او مرض او حروق او مشوهة منعها من الزواج
اتلكم عن التقصيرالمادي والعاطفي للزوجه الاساس (الاولى)
واللي اللي بالمسيار كيفها هي اللي وافقت محد غصبها 
.....................................
فتن!!!
لو انا عايشين في احد الدول المجاوره اقولك صح لكن بارد عليك بحديث حتى لو انا عايشين هناك
اسمح لي الفتن موجوده ايضا حتى في مجتمعنا الله يسترنا انزل الاسواق وشوف العبايا المخصره والمفاتن والاستعراض بالجوالات على الرقبه وماخفي كان اعظم من الانحلال السلوكي الاخلاقي
"النظرة سهم من سهام إبليس من تركه مخافة الله أبدله الله حلاوة للإيمان يجدها ف قلبه"
غض البصر سنه برضه مدام النظره من سهم ابليس واتفق معاك كليا لماذا لا اكسر هذه العين وامتعها فيما احلها الله بعيد عن المحرمات والتيسير اذ كان حلال وعقد وشاهدين فما يمنع ؟
...............................................
يا ما حلا الحب والتجديد بالشرع لنا نور..... وياشين العنوسه بمجتمعنا وياكر مانشوف
طيب معليش سؤال لك وتخيل نفسك فعلا بهالموقف
فلو تقدم اجنبي حداد على قد حاله
لطلب الزواج هل نرضاه طبعا لا
ولكن لو وافقت هل هو حرام شرعا؟؟
اسالك بالله لو قالوا بيزوجوك لوحده مثلا معاقه سمعيا او ماتشوف او مشلوله او فيها بهاق او بها عرج بتوافق عشان تحل مشكلة العنوسه؟؟؟؟؟؟؟؟؟؟
سألتني بالله انا اجيب لا ارضى ومن حقي استوفي الشروط الحلوه في الي اريد ان ارتبط بها ولكن لو احد غيري وافق حلال مافيها شي هل تتفق معي ؟
مع انه حلال التعداد << انا اتكلم عن التعداد .. ليه تخافون من المشاكل مدري؟!
يعني الزوجه الاولى لها الحق في ان تكمل المشوار مع زوجها المعدد .. ومتهيألي قرأت بموضوع اخر للخ عبدالرحيم انه لابد من الاشهار لو بعد حين حتى لاتحصل مشاكل بعد وفاة الوالد ولا يحصل بغض بين الابناء من الزوجه الولى والثانيه
وفي النهايه اكتفي بهذا القدر من النقاش لانا لو تعمقنا فيه اخاف يحصل لغط وقبل وقال وندخل في متاهات احنا في غنى عنها .. غير انه بالاخير راح تحطون اللوم علينا وتقولون حلله ربي .. وانا مااقول انه حرام بس اقول لو يكون في النور افضل ولو يكون كما ورد في الكتاب والسنه ولا نتبع اي مستحدث اقصد المسيار لانه فيه شكك ناس تحلل وناس تحرم ..
ياخي عدد العنوسه صار شبح يهدد مجتمعنا وصار في تزايد بعضهم وصل الخمسن في الاذاعه قبل فتره واحده تقول ياشيخ ابغا اتزوج الى الان ماتزوجت طيب وين تروح المسكينه اليس عندها شحنه عاطفيه وتريد الاستقرار العاطفي والمعاشره الزوجيه حتى لوبالقليل تحت ضوابط الحلال الشرعيه
نحن امام مشكله انتشار العنوسه بشكل كبير جدا واذا عندك حل فزودنا بحلولك بارك الله فيك
اذا الرجل عنده القدره وسمحت له زوجته بالزواج فتحقق هنا الزواج المثالي في العدل والنفقه على اقل تقدير
وانا ضد زواج المسيار الا في الظروف الصعبه بشرط يكون شرعي وحلال
اخيرا شكرا لك اخ سعودي على نقاشك الهادئ والمفيد
تسلم ياغالي ربي يوفقك دنيا واخره
تحيتي