يا أحبكـ
وين ياملح السنين؟
لي سنة
لا والله اكثر ... انثر احساسي ... حنيـــن !
واكتم انفاسي .. اخاف الشوق يطلع !
في رجا .. ( انك تجين )
في رجا .. انك تعيدين الحياة
اللي بعدك قام يصرخ :
آهـ و آهـ وآآآآهـ
للي بعدك .. ضاع بعضه
وبعضه الباقي
شوفي حالي !
منطوي وحدي .. ولا لي !
غير اقلب ذكرياتي ..!وانتظر طيفك يبين !
ياهــ يا هالذكريات
تذكرين؟!
كم سهر طرفي على طرفك يبات!
وكم جرح مات!..حي!
وكم فرح حي ..
مات ..!
تذكرين!؟
كنت انا لاغبت اجي واسال :
بكيتي!؟
تسكتين..!
واسمع اشواقك تقول:
ايه ياحيي وميتي!
وكنت أأشر يم قلبك .. واسالك:
هو .. هذا بيتي!؟
كنت اسمع .. دمعتين !!
تذكرين!؟
كيف اسابق لهفتي
لاجيت يمك!؟
وكيف كنت اجمع حنيني وانثره؟!
من شان المك؟!
تذكرين؟!
يوم انا ( اول ) اهمك !؟
ماسالتي كيف حاله!؟
طفلك .. النايم بصدري!؟
وكيف لامنه تشوق ,,!
قمت احس النار.. حدري !؟
وكيف اجاوب لا سالني .. (ياترى بالحال تدري )!؟
كيف ابهرب عنه .. قولي لي امانه؟!
وين اودي وجه صبري..
لابكى فيني .. حنانه ؟!
وكيف اسليه بــ غيابك؟!
وانا احس انه بصدري .. مل حتى من مكانه !
يالله عاد
انفضي غبار الرحيل .. واطعني صدر البعاد !
ياهو .. لاعب بي الحنين ..
هه ! شوفيني حزين ..!
لا الهوى هذا هواي ... ولا بلادي هي البلاد !
ماسالتي ليه اموت الفين مره ..
لا طريتك ؟!
وليه احس القلب يطلع !
بس لامني بكيتك !؟
وليه انا .. افنيت عمري .. فدوة لعيونك !
وجيتك !!
ماسالتي ليه يعني !؟
وكل طاري هم من بعدك تبعني !؟
يمكن ان قلبك . نساني ..!
او يمكن .. ماسمعني !
ايه والخالق .. احبك !
وحتى اوجاعي ..
تحبك !
حتى اسمك لا بغيت انطقه !
يطلع لي احبك !
يا احبك !
ممــــــــــــــا راقــ لــ عذبـــة..دمتم